web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në PD/ Dështon për herë të dytë afati, bojkoton baza e partisë

17 Korrik 2016, 07:57, Aktualitet CNA

PD ka dështuar me zgjedhjet në degët e saj në rrethe. Ndërsa ka përfunduar edhe afati i dytë i vendosur prej selisë qendrore, procesi i zgjedhjeve në 35 degë është larg rezultatit. Pasi procesi nuk përfundoi brenda datës së urdhëruar nga kryedemokrati Basha, që ishte data 30 qershor, selia qendrore vendosi një afat të dytë për mbylljen e procesit që ishte data 15 korrik. Por, as brenda këtij afati zgjedhja e 35 kryetarëve të rinj nuk ka ndodhur, raporton e përditshmja Sot.

Urdhri i Lulzim Bashës është dhënë në datën 28 prill, udhëzim ku saktësoheshin të gjitha hapat që do të ndiqeshin për zgjedhjen e drejtuesve të rinj, por në asnjë degë deri më tani nuk është mbajtur procesi i zgjedhjeve. Ndërkohë, degët e mëdha janë më problematike pasi baza nuk pranon zgjedhje, ndërsa e kundërshtojnë udhëzimin e Lulzim Bashës si në shkelje të statutit të Partisë Demokratike.

Të kontaktuar nga gazeta ?Sot?, krerët e degëve të Durrësit, Pogradecit dhe të Vlorës shprehen se procesi është ende në fazën fillestare. Baza në këto tre degë refuzon të marrë pjesë në mbledhjet e thirrura nga drejtuesit e seksioneve dhe të grup-seksioneve, duke refuzuar në këtë mënyrë mbajtjen e zgjedhjeve për drejtuesit e rinj. Ndërkohë, krerët aktualë thonë se arsyetimi se zgjedhjet në degë zhvillohen për shkak të rezultatit të dobët, në zgjedhjet lokale të 2015 nuk qëndron.





Lajmet e fundit nga