web counter
LEXO PA REKLAMA!

SHKARKO APP

App Store
Google Play

E fundit!

x

Banda e kokainës/ I forti i “Myslym Shyrit” e dinte që përgjohej nga policia

17 Korrik 2016, 06:36, Aktualitet CNA

I forti i rrugës ?Myslym Shyri?, tashmë i arrestuar, Gjergj Cukali kishte pikasur se po përgjohej nga policia, disa ditë para se të kryhej operacioni nga ana e uniformave blu.

Sapo kishte marrë këtë informatë, ai mbylli telefonin dhe përdori një numër tjetër. Ai kontaktoi me shtetasin Artur Tarja, të cilit i kërkoi që të shkonte tek kryqëzimi i ?21 Dhjetorit? për të takuar një person që bënte çelësat.

Tarja është takuar me një person të paidentifikuar, i cili e informoi se Cukali dhe banda e drejtuar prej tij ishin nën mbikëqyrje të plotë . Shtetasi Artur Tarja i thotë Gjergj Cukalit që të mos flasë me askënd dhe për 10 ditë të qëndrojë i izoluar e të mos dalë në rrugë, shkruan gazeta ?Shqiptarja.com?.

Biseda mes tyre konfirmon faktin që ata ishin vënë në dijeni se po vëzhgoheshin nga policia. Nuk dihet se kush i ka vënë në dijeni rreth faktit që ndaj tyre po kryheshin hetime.

Në këtë moment, policia dhe prokurorët i druheshin faktit se ndoshta Gjergj Cukali mund të tentonte arratisjen, dhe në këtë mënyrë kanë ndërhyrë duke bërë arrestimin e tij dhe të bandës që drejtonte. Mes të arrestuarve është edhe një femër, që ishte financierja e grupit. Banda e Cukalit shpërdante doza kokaine në zonën e ish-Bllokut dhe lokale e vende të tjera të njohura në Tiranë.

 





Lajmet e fundit nga