Meta shpall divorcin me Ramën/ LSI “braktis” zyrtarisht koalicionin

12 Korrik 2016, 20:07, Aktualitet CNA

25-vjetori i Partisë Socialiste sot ka qenë një ngjarje politike jo vetëm për datën e vonuar kur po festohej ndryshohej emri nga Partia e Punës në Parti Socialiste por për disa detaje të tjera të cilat nuk u dukën por në fakt janë thelbi i aktivitetit të sotëm.

Në aktivitet nuk mungonte Koço Kokëdhima, në aktivitet nuk mungonin as deputetët rebelë të Partisë Socialiste por i munguari i madh i aktivitetit ishte Ilir Meta. Kreu i LSI-së ka zgjedhur ditën e sotme për të bërë një vizitë në Mal të Zi, për të braktisur dhe bojkotuar apo për të thënë putblikisht se ai tashmë është divorcuar apo ndarë përfundimisht me Edi Ramën dhe PS.

Por ky divorc nuk lidhet vetëm me faktin e mungesës së Ilir Metës. Në aktivitet nuk ishte asnjë nga ministrat e kabinetit Rama që përfaqësojnë LSI-në.

Burimet thanë për citynews se në 25-vjetorin e Partisë Socialiste, megjithëse të ftuar, mungonte Ylli Manjani,Klajda gjoshi, Edmond Haxhinasto, Edmond Panariti i cili ?rastësisht? ndodhet në një vizitë jashtë vendit. Në këtë aktivitet ishte i pranishëm vetëm Spartak Braho, i cili në fakt nuk është deputet i LSI-së, por deputet i listës së PS-së. Por ky eshte vetëm një emër i listës shumëemërore të socialistëve.

Në aktivetet mungoi Kryetari dhe Nënkryetari i Grupit parlamentar të LSI-së, Petrit Vesili dhe Luan Rama. Ndoshta edhe për show, i pranishëm ishte vetëm Spartak Braho, i cili ishte njësoj si Tritan Shehu, nuk kishte asnjë ndryshim. Ashtu sikundër PD kishte vendosur në festën e socialistëve të përfaqësohej nga Tritan Shehu, LSI nuk duket se kishte asnjë njeri të rëndësishëm. Në aktivitet ishte vetëm Spartak Braho, deputet i listës së socialistëve.

Në 25-vjetorin e PS-së mund të ishin të gjithë drejtuesit e LSI-së por ata munguan, edhe pse ishin të ftuar. Në aktivitet nuk mungonte vetëm Ilir Meta. Në aktivitet mungonte edhe Monika Kryemadhi. Mungesa e drejtuesve më të lartë të LSI-së, deputetët e kësaj partie kanë bojkotuar me ?urdhër? aktivitetin.

Ky bojkot, kjo braktisje nga drejtuesit dhe krerët më të lartë të LSI-së në 25-vjetorin e socialistëve, një vit jubilar për Partinë Socialiste është shenja e qartë që tashmë koalicioni PS-LSI është i prishur. Ai është shkatërruar deri aty sa vështirë se do të ngjitet.

Gojët e liga flasin se Ilir Meta po bëhet gati të rrëzojë Edi Ramën nga posti i Kryeministrit. Por kjo në një moment të dytë, jo tani. Tani lëvizja e tij është për t?i thënë Edi Ramës se është në minorancë pa LSI-në sepse grupi parlamentar socialist ka vetëm 55 mandate deputetësh në parlament të mundshme. Së bashku me PDIU-në, ata nuk munden të mbajnë qeverisjen e vendit.

Largimi i LSI-së tashmë është fakt. Duket se akujt vazhdojnë t?i ndajnë palët. Koalicioni qeverisës duket se ka rënë. Ilir Meta duket të ketë bërë divorcin e tij përfundimtar me dashurinë e rikthyer Edi Rama./citynews