Festimi i 25-vjetorit të PS-së/ Arian Galdini letër socialistit

12 Korrik 2016, 17:06, Aktualitet CNA

I dashur Socialist,

Ti sot nuk mbush 25 vjec. Ti sot mbush 1 muaj, pas 25 vjetorit. Por Udheheqja e ka ne dore te ta shtyje festen. Tek e fundit Udheheqja e vonuar e PS e ka te gjithe te drejten e kesaj bote qe te te vonoje edhe ty per te festuar. Arsyet mund te jene banale, por mund te jene edhe strategjike. Festa jote, nuk mund te behej kur dynjaja shihnin Kampionatin Europian. Por festa jote mund te jete edhe preludi i Socialisteve te vonuar qe sot te Udheheqin per te te nxituar ty ne betejen me te re elektorale. Socialistet e vonuar, ty te perdoren per cdo beteje politike, per cdo perballje, e ne fund edhe per te mohuar ti vete historine tende. Idealizmi yt, u be makineria energjike e llogarive te ngushta qe benin Socialistet e vonuar. Te vune ne rresht per te mohuar historine, per te mallkuar e nemur ish Kryetarin Fatos Nano. Pastaj te thane se si Socialist nuk fiton dot. Ta ndryshuan emrin e te bene Rilindist. Ti i pranove te gjitha. Dhe kur Rilindja erdhi ne pushtet, ti e kuptove te verteten. Ti kuptove se ti socialisti nuk kishe fituar asgje. Ti mbete papune, pa shanse, pa konsiderate, i paperfillur. Ti e pranove emrin e ri sepse besove se kesisoj do mund te beheshe autor i nje permbajtjeje dhe vizioni te ri per nje Parti ndryshe qe punon per nje Shqiperi ndryshe. Por te nesermen e fitores me emrin e ri, ti kuptove se ishe paketuar dhe perdorur si koliposte per te mberritur ne nje destinacion, ku do te zbrisnin vetem te vonuarit. Ti mbete si koliposte pa adrese. Ata qe zbriten ne destinacion, nuk kishin me nevoje per ty. Ata moren pushtetin dhe te moren frymen ty. Te lane aty te mbyllur e paketuar brenda kolipostes politike me emrin e rrejshem Rilindje. Sot te kane ftuar te festosh 25 vjetorin tend, ata qe nuk e dine e as kane pike respekti per historine tende.
Ti do te shkosh aty. E di qe do te shkosh. Sepse do te kerkosh te kuptosh ne ne ne enderr a ne zhgjender. Do perpiqesh edhe te numerohesh aty ne ate Lulishten Festive te PS.
Une nuk jam socialist. Nuk kam qene kurre, nuk mund te jem, e kurre nuk do te jem. Por ty i dashur socialist te kam bashkeqytetar, koleg pune, fqinj, mik, shok, kusheri, e keshtu me rradhe. Jemi te dy qytetare te ketij atdheu te lodhur. Jemi te dy te rraskapitur e te ngasheryer nga pashpresesia qe ka kapluar kete vend. A e di cfare? Une nuk dua e kurre nukdo ta dua socializmin tend. Aq me pak Rilindjen. Por une gjithmone do ta dua idealizmin tend,. Gjithmone do ti dua aspiratat e tua, endrrat e tua, shpresat e tua, pastertine tende ne bsesimin e idealeve te tua. Nuk ti dua idealet. Por te dua pastertine tende te besimit ne to. Te dua ty si njeri, qytetar, bashkeudhetar e bashkendertues i nje atdheu me te mire.
Keshtu po te shkruaj. Ne emer te kesaj dashurie qe sapo te rrefeva.
Ndaj te uroj gezuar 25 vjetorin si socialist. Gezuar me gjithe zemer.
Ama, mos harro kurre se kush te vonon ne festen tende, te zhben ne qenien tende. Mos e prano zhberjen ngado qe te te vije ajo. Rigje pastertine e idealeve te tua dhe kurajon e betejave te tua. Me mire te te kem ty perballe e konkurent si idealist e atdhedashes, sesa te hap pako e koliposta me mbjeshtjellje te bukur e ti shoh zyrat e shtetit te mbushura me batakcinj e plackites.
Ti sot ke feste te vonuar. Por per beteje nuk je kurre i vonuar.
Dil nga paketimi i Rilindjes dhe vish fanellen e socialistit. Keshtu edhe Shqiperia do te kete me shume shprese sepse ju dhe ne, pra idealistet do te konkurojne, e fitofte me i miri.
Paketimi vjen si dhurate dhe sjell lengate. Konkurimi vjen si perballje por sjell me te miret ne krye.
Shpresoj qe ky urim te te gjeje te ndricuar. Nese erresira e paketimit, nuk te lejon ta lexosh a pranosh kete urim, jam i sigurte se do te vije nje dite kur kjo Shqiperi do te jete e mbushur me koliposta e kanabis, e per mua dhe ty nuk do te kete me vend fare ne kete atdhe.
Ta them seriozisht sepse idealisteve po u vjen rrudhja e pashmangshme ketu tek ne. Rrudhja e idealisteve, do te jete edhe fitorja e kolipostisteve dhe kanabisteve.
Po nuk ngritem krye ne idealistet sot, do te na shtypin koken kolipostistet dhe kanabistet neser.

Gezuar dhe u ndricofsh.

Arian Galdini
Demokrati idealist