web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Donald Lu dhe Vlahutin takojnë Idrizin

12 Korrik 2016, 18:58, Aktualitet CNA

Kreu i Partisë për Drejtësi, Integrim dhe Unitet, Shpëtim Idrizi ka zhvilluar një takim me ambasadorin amerikan në Tiranë, Donald Lu dhe ambasadoren e Bashkimit Evropian në Tiranë, Romana Vlahutin, në kuadër të Reformës në Drejtësi. Në një deklaratë të shpërndarë nga PDIU, dy ambasadorët kanë informuar Idrizin për propozimin e zonjës Nuland, propozim që ofron palët. Një temë tjetër e diskutimit janë ndryshimet kushtetuese për diskriminimin gjinor, ndryshime që janë kundërshtuar ashpër nga deputetja e kësaj partie, Mesila Doda që në thelb lejojnë martesat midis homoseksualëve.

Zoti Idrizi i shprehu ambasadorëve qëndrimin e qartë të PDIU-së që neni 18, i cili i hap udhë martesave homoseksuale nuk është pjesë e reformës në drejtësi, por me gjithë qëndrimin tonë kundër, ka nevojë për një debat më të gjerë publik.

Gjatë bisedës, Idrizi vuri theksin në qëndrimin e PDIU-së në favor të kësaj reforme dhe mbështetjen për variantin e ri të kompromisit të dhënë së fundi nga partnerët tanë.

?PDIU i bën thirrje të gjitha partive parlamentare dhe deputetëve të Kuvendit të Shqipërisë ta miratojnë dhe këtë nen të fundit duke e konsideruar një mundësi të qartë kompromisi propozimin e zëvendës sekretares së Shtetit për rekomandimin 88. PDIU insiston që dhe pas miratimit të kësaj reforme të shkohet drejt referendumit si shprehje direkte e demokracisë?, thuhet në njoftim.

Ai ngulmoi se pjesë e këtyre ndryshimeve kushtetuese duhet të jenë edhe propozimet e janarit të bëra nga PDIU, veçanërisht e Presidentit nga populli dhe kalimi i akteve kushtetuese me referendum po nga populli, për t?i rikthyer sovranit të drejtën e vendimmarrjes. Shpëtim Idrizi i shprehu kënaqësinë ambasadorëve për dialogun e hapur për këto çështje dhe për investimin e tyre për Reformën në Drejtësi.





Lajmet e fundit nga