web counter
LEXO PA REKLAMA!

SHKARKO APP

App Store
Google Play

Referendumi britanik/ Cipras: Ditë e vështirë për Evropën

24 Qershor 2016, 16:41, Aktualitet CNA

Kryeministri i Greqisë, Aleksis Cipras ka reaguar lidhur me rezultatin e referendumit britanik, ku 52% e votuesve zgjodhën daljen e Britanisë nga Bashkimi Evropian.

Cipras ka deklaruar se kjo vendimi i popullit britani po vërteton një  krizë të thellë politike, krizë identiteti dhe strategjie për Europën.

Cipras ka shtuar se rritja shpërthyese që njohu ekstremi i djathtë  dhe forcat nacionaliste në Europën Veriore dhe Qëndrore  e kishin parathënë një  zhvillim të tillë negativ

?Pa diskutim që sot është një ditë e vështirë për Europën. Përpjekja për  integrimin europian  mori një goditje  të rëndë.

Vendimi i popullit britanik është i respektueshëm , por ai po vërteton një  krizë të thellë politike, krizë identiteti dhe strategjie për Europën.

Dhe ky rezultat nuk erdhi si një rrufe në qiell të pastërt. Mesazhet ishin dërguar prej kohësh  dhe prej  drejtimeve të shumta dhe të ndryshme. Rritja shpërthyese që njohu ekstremi i djathtë  dhe forcat nacionaliste në Europën Veriore dhe Qëndrore  e kishin parathënë një  zhvillim të tillë negativ.? është shprehur Cipras.

Kryeministri grek ka theksuar se referendumi britanik ka sjellë nevojën për ndryshime  të thella, demokratike  dhe përparimtare në Europë. ?Referendumi britanik, ose do të jetë alarmi i rizgjimit nga gjëndja prej somnambuli që po ecën në boshllëk, ose do të jetë fillimi i një  rrugëtimi  shumë të rrezikshëm dhe rrëshqitës për popujt tanë.

Dhe pikërisht për këtë arësye, ne na duhet që të ndryshojmë menjëherë kurs, na duhen ndryshime  të thella, demokratike  dhe përparimtare në Europë. Na duhet të ndryshojmë koncepte, mentalitete  dhe në fund, të ndryshojmë edhe politikat.

Dhe këtë duhet ta bëjmë që të ngremë një gardh  përballë euroskepticizmit dhe ekstremit të djathtë, që të ringrejmë edhe një herë themelet e Europës mbi parimet e demokracisë, të lirisë, të barazisë  dhe të solidaritetit.? ka deklaruar Kryeministri i Greqisë.





Lajmet e fundit nga