web counter
LEXO PA REKLAMA!

SHKARKO APP

App Store
Google Play

E fundit!

x

Lubonja: Shteti është kapur nga interesat e privatit

28 Prill 2016, 20:03, Aktualitet CNA

Analisti Fatos Lubonja është shprehur se shteti është kapur nga interesat e privatit. I ftuar në emisionin “Të Paekpozuarit” në Ora News, ku po diskutohet lidhur me stadiumin e ri në Tiranë, Lubonja tha se të ftuar gjithashtu duhet të ishin edhe përfaqësues të shtetit. Moderatori i emisionit, gazetari Ylli Rakipi u përgjigj se të thirrur ishin  njerëz të rëndësishëm të shtetit, por sipas tyre prania nuk ishte e nevojshme pasi nuk kanë çfarë të thonë lidhur me çështjen në fjalë.

“Duhet të kishim përfaqësues të Ministrisë së Kulturës, të na thoshin se çmendim kanë për politikat kulturore. Ne kemi nevojë të na vinë përfaësuesit e Ministrisë së Sporteve, se si ka mundësi që Shqipëria nuk ka bërë dot një stadium në 25 vite dhe ka bërë mijëra pallate. Ketu është një dizastro totale sporti. Sot pashë një lajm që Shqipëria çon në Olimpiadë vetëm katër sportistë. Këtu manipulohet për një stadium, kush e di se çfarë është pas. Duhet të ishte edhe Bashkia, këtu bëhët fjalë për ndërtime në një qendër të populluar, lejet që jep Bashkia. I kanë vënë emrin ?Arena Kombëtare?, me sa di unë emrat ia vë Këshilli Bashkiak. Jemi përpara një situate ku zotëria përballë ka konflikt të pastër interesi. Shteti na mungon në debat. Pse na mungon shteti në debat? Për fat të keq shteti ynë është kapur nga interesat private, e gjithë historia e ndryshimit të këtyre kuotave, është shumë e errët sesi është bërë kalimi i pronës publike në atë private. Është grabitur prona kulturore. Vjen puna që Tirana e Zogut ka pasur shumë fusha futbolli, basketbolli, më vonë u shtuan ca. Nuk po i përmend fushat sportive të ndërtuara me pallate.  Duhet një infrastrukturë e plotë. Të gjithë të rinjtë në vend që duhet të merreshin me sport, luajnë loto.” vijoi më tej Lubonja.





Lajmet e fundit nga