web counter
LEXO PA REKLAMA!

SHKARKO APP

E fundit!

x

Deklarata e Berishës/ Taulant Balla: Prokuroria të fillojë hetimin

21 Prill 2016, 13:09, Aktualitet CNA

Partia Socialiste ka depozituar sot në Byronë e Kuvendit, një kërkesë për të dënuar ish-kryeministrin Sali Berisha për thirrjet e tij për armatosjen e civilëve. Në një prononcim për mediat nënkryetari i grupit parlamentar socialist, Taulant Balla, i kërkoi prokurorisë të nisë hetimin për deklaratën e Sali Berishës në Kuvend. Ai tha se një grup deputetësh socialist kanë depozituar tashmë një kërkesë drejtuar Byrosë së Kuvendit. Balla u shpreh se deklarata e Berishës është një vepër penale sepse ligji në Shqipëri ndalon thirrjet për pajisje me armë apo rrëzimin e qeverisë me dhunë.

?Një grup prej më shumë se 7 deputetë të PS-së që gjendeshin në sallë gjatë fjalës së deputetit Sali Berisha kanë depozituar tashmë një kërkesë drejtuar Byrosë së Kuvendit me qëllim mbledhjen e saj brenda 48 orëve. Është një moment i trishtë në karrierën politike të një politikani që të pajisen me armë civilët. Është shumë e papranueshme që një parti politike si PD-ja, në një vend anëtar të NATO-s të bëjë thirrje të tilla. Shqiptarët janë kundër armatosjes. Kemi të bëjmë me një vepër të pastër penale. Thirrja për dhunë dhe për armatosje janë vepra penale. Ligji në Shqipëri sot ndalon thirrjet për pajisje me armë apo rrëzimin e qeverisë me dhunë. Nuk ka nevojë për kallëzim nga ana jonë në Prokurori për aq kohë sa ju mediat bëni një punë të lavdërueshme. Prokuroria vetë mund të fillojë hetim për këto thirrje?, tha Balla





Lajmet e fundit nga