E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kushtetuesja shqyrton kërkesën e Nishanit për ligjin e pronave/ Reagimi i Bylykbashit

21 Prill 2016, 09:06, Aktualitet CNA

Gjykata Kushtetuese nisi sot shqyrtimin e kërkesës së Presidentit të Republikës, Bujar Nishani, me objekt shfuqizimin si të papajtueshëm me Kushtetutën të ligjit ?Për trajtimin e pronës dhe përfundimin e procesit të kompensimit të pronave?, si dhe pezullimin e zbatimit të këtij ligji. Në seancën e sotme gjyqësore përfaqësuesit ligjorë të Presidencës parashtruan argumentet kundër këtij ligji, zbatimi i të cilit potencialisht dobëson pozitën e pronarëve, që tashmë kanë një vendim përfundimtar të formës së prerë dhe që prej vitesh presin të ekzekutohet.

Sipas Nishanit, ndërhyrja e shtetit përmes këtij ligji nuk është proporcionale, por përkundrazi është arbitrare dhe cënon rëndë standardet e Kushtetutës së Shqipërisë, duke cënuar të drejtat e pronarëve dhe subjektet e tjera që janë në pritje prej vitesh të trajtimit të kërkesës së tyre për kthim/kompensimin e pronës. Presidenti kërkon pezullimin e zbatimit të ligjit të pronave deri në dhënien e vendimit përfundimtar nga Gjykata Kushtetuese.

Përfaqësuesi i demokratëve, Oert Bylykbashi u shpreh se ?Ligji parashikon vetëm kompesim fizik dhe nuk e njeh konceptim e kthimit të pronës. Ligji e kthen pronën në kohën e komunizmit dhe kompesimi duhet bërë me vlerën e tregut të sotëm?.

Ligji ?Për trajtimin e pronës dhe përfundimin e procesit të kompensimit të pronave?, u miratua në Kuvend më 5 dhjetor 2015, vetëm me votat e maxhorancës. Më 11 dhjetor Presidenti refuzoi ta dekretojë ligjin, duke e rikthyer për shqyrtim në parlament. Në fillim të sesionit të ri, në seancën e 21 janarit, Kuvendi e rrëzoi dekretin duke lënë në fuqi ligjin në fjalë.

?Sot Gjykata Kushtetuese po shqyrton një nga çështjet më të rëndësishme të këtyre 25 viteve, çështjen me ligjin me të cilin qeveria rishpronëson pronarët. PD ka paraqitur bashkë me subjektet e tjera kundërshtimet e saj ndaj këtij ligji. Ky ligj është antikushtetues, bie ndesh me jurisprudencën e kësaj gjykate. Mbi të gjitha, bien ndesh me jurisprudencën e Gjykatës Europiane të të Drejtave të Njeriut, sepse cënon jo vetëm parimet e Kushtetutës të Shqipërisë, por dhe të Konventës Europiane të të Drejtave të Njeriut.

Sapo doli nga gjykata, Oerd Bylykbashi u shpreh se ?Sot Gjykata Kushtetuese po shqyrton një nga çështjet më të rëndësishme të këtyre 25 viteve, çështjen me ligjin me të cilin qeveria rishpronëson pronarët. PD ka paraqitur bashkë me subjektet e tjera kundërshtimet e saj ndaj këtij ligji. Ky ligj është antikushtetues, bie ndesh me jurisprudencën e kësaj gjykate. Mbi të gjitha, bien ndesh me jurisprudencën e Gjykatës Europiane të të Drejtave të Njeriut, sepse cënon jo vetëm parimet e Kushtetutës të Shqipërisë, por dhe të Konventës Europiane të të Drejtave të Njeriut.

PD ka bërë të qartë që ne i qëndrojmë në mënyrë absolute të drejtës së pronarëve për të rimarë pronën që në mënyrë të padrejtë u është marrë para më shumë se 70 viteve. Do të garantojmë në mënyrë maksimale që kjo e drejtë të shkojë në mënyrë përfundimtare dhe të plotë tek pronarët. Duke marë parasysh faktin që në 25 vite ka patur dhe padrejtësi, kjo nuk është arsye që kjo qeveri, e cila buron drejtpërdrejt nga koncepti i shpronësimit të vitit 45, me këtë vjen sot përpara kësaj gjykate, të ketë të drejtën për të rishpronësuar së dyti. Ne garantojmë që ky ligj do të shfuqizohet, por ajo që ne presim është që Gjykata Kushtetuese duke i qendruar jurisprudencës së saj, ta shfuqizojë këtë ligj si antikushtetues dhe në kundërshtim me Konventën Europiane të të Drejtave të Njeriut, për të rikthyer të drejtën e pronës tek pronarët. Me atë që bën ky ligj e përsëris, është rishpronësimi i pronarëve. Ne këtë nuk do ta lejojmë.

Sot ajo që presim është që Gjykata Kushtetuese të marrë një vendim lidhur me pezullimin e zbatimit të ligjit. Eshtë një ligj i cili tashmë ka filluar efektet e tij, prodhon pasoja të rënda e për rrjedhojë kërkesa para kësaj gjykate është që ky ligj të pezullohet derisa gjykata të marrë një vendim. Shpresojmë që gjykata ta marrë në konsideratë këtë rrezikshmëri të lartë që prodhon kjo normë e re e kësaj qeverie?.