E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Lindita Nikolla bllokon regjistrimet në master/ Skenar me afatet për t’i çuar kandidatët drejt universiteteve private

6 Nëntor 2015, 15:11, Aktualitet CNA

Ministrja e Arsimit, Lindita Nikolla, i ka bërë një tjetër shërbim Henri Çilit, beniaminit të ri të kryeministrit Rama, duke shkelur mbi interesin publik. Ministria e Arsimit, tashmë zëdhënëse dhe jetësuese e interesave klienteliste të Henri Çilit, nuk ka bërë të mundur regjistrimin e mijërave studentëve, në programin e ciklit të dytë të studimeve (master) në fakultetet publike, me qëllim për t?i orientuar dhe detyruar të zgjedhin piramidën universitare të Henri Çilit.

Çfarë po ndodh konkretisht? Kupola e Ministrisë së Arsimit, me asnjë akt diellor dhe klientelist, u ka lënë fakulteteve në të gjithë Shqipërinë, vetëm pesë ditë afat për regjimin e studentëve në ciklin e dytë të studimeve. Fillimisht, Ministria e Arsimit, për disa ditë me radhë, mbajti peng qëllimisht dërgimin e kuotave në universitete, për të lënë sa më shumë studentë të paregjistruar, me qëllim që të zgjedhin Universitetin Evropian të Tiranës, i cili ka kapur sot Ministrinë e Arsimit. Ndërkaq, pas dërgimit të kuotave, Ministria e Arsimit u ka lënë fakulteteve vetëm pesë ditë afat për regjistrimin e kandidatëve. Ky afat është i pamjaftueshëm, duke pasur parasysh fluksin dhe interesin e madh, për t?u regjistruar në master. Afati është kufizuar qëllimisht për t?u pamundësuar studentëve që kanë kryer ciklin e parë të studimeve, që të regjistrohen në ciklin e dytë. Nuk ka dyshim se edhe pas këtij afati fshihet dora e Henri Çilit, i cili me zbatimin e ligjit të ri për arsimin e lartë, pritet të marrë edhe godinat e universiteteve publike si dhe të fusë duart në buxhetin e shtetit. Ky vendim skandaloz ka shkaktuar një tension të madh në universitetet në të gjitha rrethet e vendit.

Udhëzimi

Ministria e Arsimit, udhëzimin mbi pranimet në ciklin e dytë të studimeve e shpalli më 29 tetor. Por duke parë se datat 31 tetor dhe 1 nëntor qëlluan e shtunë dhe e dielë, të gjithë të interesuarve u mbetën vetëm pesë ditë afat për të kryer regjistrimet. Në udhëzimin e MAS thuhej: ?Kandidati paraqitet personalisht dhe dorëzon dokumentacionin e mëposhtëm: Diplomë, ose fotokopje të njësuar me origjinalin të ciklit të parë të studimeve të përfunduar në Republikën e Shqipërisë. Diplomën e Maturës Shtetërore së bashku me certifikatën e notave ose fotokopje të tyre të njehsuar me origjinalin, e konfirmuar nga njësia përkatëse arsimore vendore. Mandat pagese të tarifës së aplikimit prej 2.500 lekë. Fotokopja e dokumentit të identifikimit dhe dy fotografi personale?. Por duke qenë se afati i regjistrimeve ka qenë tepër i ngushtë, shumë studentë nuk kanë arritur të plotësojnë në kohë dokumentet e nevojshme. Nga ana tjetër, vendimi i Ministrisë së Arsimit për të lënë vetëm pesë ditë kohë, ka sjellë radhë të gjatë nëpër sekretaritë mësimore të fakulteteve në vend, sidomos atyre në kryeqytet. Një pjesë e madhe e atyre që nuk arritën të regjistrohen, pasi dje ishte afati i fundit, janë të detyruar që t?i drejtohen tregut privat, pasi regjistrimi aty është shumë më i thjeshtë. Më i privilegjuari do të jetë sërish UET e Henri Çilit./Sot.com.al