E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Teserë partie për të fituar vend pune në spital!

5 Nëntor 2015, 21:28, Aktualitet CNA

Në fillim edhe vetë ministria ishte në favorin tim, por papritur vjen ?telefonata? dhe qëndrimi ndryshon. Sepse vetë ministria, për të mbrojtur drejtorin dhe kandidatin militant të LSI-së.

Ministria del me një version që unë nuk kam master dhe kandidati tjetër PO. Por është absude përsëri, sepse vendi vakant nuk ka nevojë për master. Në buletinin e botuar në agjencinë e prokurimeve publike nuk është cituar askund që masteri është kriter dhe për këtë arsye ky variant i ministrisë është ABSURD.

Unë i jam përmbajtur buletinit. Kam dorëzuar gjithë dokumentacionin në spital. I jam përmbajtur ligjeve dhe kritereve, por duket se nuk mjafton. Nëse nuk ke teserë partie apo, më saktë, nëse nuk je anëtar i LSI-së dhe nuk ke ngjitur 100 flamuj nëpër shtylla, nuk fillon punë. Për këtë isha në dijeni, por të futen militantë edhe në mjekësi, këtë nuk e prisja.

Mund ta çoj rastin edhe në gjykatën administrative dhe prokurori, por çfarë shprese kam që do të fitoj? Të bësh luftë me shtetin është e kotë. Po bëhet komplot institucional për një vend pune në spital.

Jua dërgoj këtë letër duke i bërë thirrje njerëzve të largohen sa më shpejt të jetë e mundur, pasi këtu nuk jetohet më. Unë punoj në një biznes privat dhe tashmë kam frikë ta bëj emrin publik, sepse biznesi mund të ndëshkohet pikërisht për këtë arsye.

Por kjo është Shqipëria. Nëse nuk kuptohet se cila është e mira dhe e keqja, do të vuajmë të gjithë bashkë. Po jetojmë në kohën e diktaturës. Dhe më vjen jashtëzakonisht keq.

Ah, dhe diçka tjetër! Kur kandidati tjetër pa këmbënguljen time nëpër institucione, më takoi dhe më tha: ?Hiq dorë! Ai vend pune është krijuar për mua. Nuk e gëzon dot njeri atë vend, sepse unë e shkrij dhe ti nuk shkon atje!?

E shikoni ku kemi arritur?! Mjekësia ka shkuar në greminë. Kështu që kujdesuni për veten: Largohuni që këtu!/shendeti.com

(Denoncim i ardhur në adresën [email protected] Emri i denoncuesit dhe i qytetit është fshirë me kërkesë të vetë personit, i cili i druhet ndëshkimit!)