web counter
LEXO PA REKLAMA!

SHKARKO APP

App Store
Google Play

E fundit!

x

Vëllait të Bin Ladenit i ndalohet vazhdimi i punës në Mekë

16 Shtator 2015, 10:31, Kosova & Bota CNA

Kompania ndërtuese ?Saudi Binladin Group (SBG)?, të cilën e drejton vëllai i Osama bin Laden, i është ndaluar marrja e punëve të reja, dhe rishikimi i projekteve aktuale që ata i kanë marrë përsipër. Ky urdhër ka ardhur nga mbreti i Arabisë Saudite, Salman, i cili u shokua nga vinçi vdekjeprurës në Mekë i cili u rrëzua dhe la të vdekur 107 njerëz, shkruan ?RT?.

Sipas zëdhënësit shtetëror i cili ka deklaruar për agjencinë saudite, duke cituar hetuesit e qeverisë, SBG ishte ?pjesërisht përgjegjëse për aksidentin? dhe se ?nuk kishte respektuar rregullat e sigurisë?, transmeton lajmi.net.

Vinçi i rrëzuar kinse nga erërat e forta, kishte rënë mbi një turme njerëzish që ishin mbledhur jashtë Xhamisë së Madhe pranë Qabesë, vend i shenjtë i Islamit në Mekë, duke shkaktuar kështu vdekjen e 107 personave dhe pothuajse 400 të plagosur.

?Pozita e vinçit ishte në kundërshtim me udhëzimet e përdorimit të përgatitura nga prodhuesit?, ka deklaruar njëri nga hetuesit i cili pritet të dorëzojë një raport të plotë deri të premten.

Anëtarët e bordit të drejtorëve të SBG, përfshirë edhe kryetarin Bakr Bin Laden, janë urdhëruar të qëndrojnë brenda shtetit, derisa të bëhet publik verdikti rreth aksidentit.

SBG ka qenë kontraktori i preferuar i regjimit saudit për infrastrukturë dhe projekte të mëdha prestigjioze, dhe ishte në krye të zgjerimit të Xhamisë së Madhe, projekt ky që kap vlerën e 27 miliardë dollarëve. Në këtë projekt ishte paraparë të bëhet zgjerimi i objektit për më shumë se 400 mijë metra katrorë, të mjaftueshme për të zënë mbi 2.2 milionë njerëz. /lajmi.net/





Lajmet e fundit nga