web counter
LEXO PA REKLAMA!

SHKARKO APP

App Store
Google Play

Itali / Roja bregdetare shpëton 2000 emigrantë në brigjet e Libisë

23 Gusht 2015, 10:30, Kosova & Bota CNA

Roja Bregdetare italiane  ka shpëtuar mbi 2000 emigrantë, pak nga brigjet e Libisë.  Ky ishte një prej operacioneve më të mëdha ditore të kryera deri më sot ndaj trafikimit të qenieve njerëzore. Njoftimi për ndihmë erdhi njëkohësisht nga mbi 20 varka.

 Kanali kryesor i trafikimit të refugjatëve apo emigrantëve të paligjshëm është ai mes Libisë dhe Italisë.  Më shumë se 2000 njerëz kanë humbur jetën nëpër ujërat e Mesdheut, gjatë përpjekjeve të tyre për të mbërritur në brigjet europiane me varka të tejmbushura dhe aspak të përshtatshme për lundrim, teksa kërkojë t?u shpëtojnë zonave të luftës dhe varfërisë në Lindjen e Mesme apo edhe Afrikën Veriore. Ky kanal është shumë i preferuar nga klandestinët për të kaluar refugjatët.

Refugjatët që kanë mbërritur në Itali mendohet të shkojnë deri në 104 mijë, ndërsa në Greqi kanë zbritur 160 mijë.

Dy anije të marinës italiane u përfshinë në përpjekjet për shpëtim të së shtunës. Duke iu përgjigjur SOS-it të një varke druri në rrezik mbytjeje, ?Cigala Fulgosi? arriti të shpëtonte 507 persona, ndërsa ?Vega? plot 432 të tillë, bën të ditur Marina e Italisë.

Në operacion janë përfshirë edhe anije të tjera të vogla italiane, ashtu sikurse dhe anija luftarake norvegjeze ?Siem Pilot?, e cila është dislokuar në ujërat e Mesdheut si pjesë e misionit të patrullimit ?Triton? të Bashkimit Europian. Një anije, që i përket grupit humanitar të ?Mjekëve pa Kufinj? shpëtoi 311 emigrantë përfshi edhe një fëmijë të sapolindur.





Lajmet e fundit nga