E fundit!

11:07 Aktualitet

“Ngrirja” e çështjes së Aeroportit të Vlorës/ Pacolli “shpërthen” ndaj Gjykatës së Tiranës

Biznesmeni Behgjet Pacolli ka reaguar pas shpalljes së ven...

A do ta paguajnë shtrenjtë kosovarët autostradën Besi-Merdarë?

22 Gusht 2015, 14:31, Kosova & Bota CNA

Kryeministri i Kosovës ka paralajmëruar se më 27 të këtij muaji kanë një takim me zyrtarë nga 6 vendet e Ballkanit Perëndimor në Samitin e Vjenës, ku pritet të diskutohet për ndërtimet në infrastrukturë dhe energjinë. Sipas tij, në këtë takim pritet të diskutohet për ndërtimin dhe financimin e vazhdimit të autostradës Besi-Merdare-Nish.

Njohës të ekonomisë vlerësojnë si të mirëseardhur vazhdimin e autostradës së kombit, mirëpo, sipas tyre në këtë rast më së shumti do të përfitoj Serbia. Po ashtu, çmimi i cili është përfol për ndërtimin e këtij segmenti, sipas ekspertëve është bukur më i ulët sesa kostoja e autostradës që është ndërtuar në Kosovë.

Ndërsa, eksperti i ekonomisë Ibrahim Rexhepi, thotë për KosovaPress se Evropa është e fokusuar të shtyjnë përpara projektet të cilat krijohen për një ndërlidhje, për një komunikim më të mirë dhe më miqësor në mes vendeve të rajonit.

Rexhepi thotë se autostrada nuk do të kishte kuptim, sikur ajo të mos lidhej me korridoret evropiane.

Ndërsa, hulumtuesi në Institutin GAP, Berat Thaçi, thotë për KosovaPress se qëllimi këtij takimi në Samitin e Vjenës është infrastruktura me vendet fqinje në Ballkanin Perëndimor, mirëpo agjenda dhe temat e takimit përcaktohen edhe me interes të BE dhe të gjitha vendeve të Ballkanit Perëndimor.

Ai tha se të gjitha shtetet e rajonit kanë nivel më ta lartë të prodhimit, veçanërisht Serbia.

Ndryshe, për këtë projekt janë të interesuar Serbia, Shqipëria, BE dhe Kosova. Gjatësia e tërësishme e autostradës do të jetë 384 km, nga Nishi në Merdar 77 km dhe nga Merdar deri në Prishtinë 22 km. Serbia ka deklaruar se është e gatshme t?i japë 350 milionë euro për pjesën serbe të autostradës e cila do të kushtonte 600 ? 650 milionë, e nga BE do të kërkojë edhe 300 milion euro. Kosova ka shpenzuar rreth 1 miliardë euro për 78 km autostradë të ndërtuar deri me tani.