web counter
LEXO PA REKLAMA!

SHKARKO APP

App Store
Google Play

11 Gusht 2015, 15:50, Kosova & Bota CNA

Të dhënat e fundit të Organizatës së Kombeve të Bashkuara tregojnë se popullsia në botë do të rritet dukshëm deri në fund të këtij shekulli. Mirëpo, përderisa në përgjithësi do të ketë rritje të dukshme, në disa vende popullsia do të tkurret në mënyrë dramatike, parasheh OKB, raporton lajmi.net.
Bazuar në këto të dhëna të OKB, Washington Post ka përpiluar një listë të 11 shteteve në botë, popullsia e të cilëve do të tkurret dukshëm deri në fund të këtij shekulli.

Në mesin e shteteve që do të ketë tkurrje të mëdha të popullsisë është edhe Serbia dhe disa shtete tjera të Ballkanit.

Kjo është paradoksale, ngaqë i njëjti hulumtim tregon se deri në fund të këtij shekulli popullsia e botës do të rritet deri në 52 %. Konkretisht, parashihet që deri në vitin 2100 bota do të ketë 11.2 bilion banorë.

Pra, përderisa do të ketë rritje të mëdha në nivel të përgjithshëm, për disa vende kjo vlen e kundërta.

Lituania parashihet të humb rreth 30.1% të popullsisë momentale, Hungaria 34%, Japonia 34.3%, Latavia 35.2%, Kroacia 38.3%, Serbia 39.7%, Ukraina 41.1%, Romania 41.1%, Bosnja dhe Hercegovina 49.6%, Bullgaria 25.4%
Dhe në krye të listës është Republika e Moldavisë. Deri në fund të këtij shekulli Moldavia parashihet të humb rreth 54.4%.





Lajmet e fundit nga