Si t’i “mundni” vitet dhe ta “ndaloni” plakjen?

17 Qershor 2015, 11:00, Lifestyle CNA

Për këtë pyetje kanë diskutuar shumë mendje të mëdha shekuj me radhë. Por, përgjigjen e saktë nuk e kanë mësuar deri në ditët e sotme. Eliksiri i rinisë së gjatë ka mbetur enigmë.

Bota moderne kundër viteve lufton me botoks, operacione plastike dhe me shumë metoda tjera, por e tëra është e pasuksesshme. Vitet e bëjnë të veten. Megjithatë, ekziston mënyra që plakjen ?ta shtyni? një kohë. Jo, nuk ju rekomandojmë botoks apo operacione, ju rekomandojmë ndryshime të vogla të cilat janë dëshmuar të suksesshme në këtë gjë.

? Duhani dhe alkooli: Shumë hulumtime kanë konfirmuar se konsumimi i duhanit shkakton plakjen e lëkurës. Nuk do të përmendim se çka u bën organeve të brendshme, pasi që kjo është e njohur. Ndikim të njëjtë ka edhe alkooli. Konsumimi i tij i shpeshtë shkakton plasjen e kapilarëve dhe tharjen e lëkurës. Andaj herën tjetër kur ta merrni cigaren dhe alkoolin në dorë mendoni për lëkurën tuaj dhe dëmet që i shkakton asaj.

? Pemë e perime: Edhe pse kjo tingëllon ?mërzitshëm?, fakt është që konsumimi i shpeshtë i pemëve dhe perimeve përmirëson shëndetin. Të gjitha vitaminat, mineralet dhe përbërësit tjerë të nevojshëm të cilët gjenden në pemë e perime i ndihmojnë organizmit dhe lëkurës që gjatë të qëndrojnë të rinj. Sidomos është e dobishme domatja në ditët e verës kur lëkura i është ekspozuar ndikimit të fuqishëm të diellit. Ajo e mbron lëkurën nga shkaktimi i rrudhave. Por, nuk duhet t?i lini anash as pemët dhe perimet tjera të cilat siç thamë edhe më lart i ndihmojnë organizmit dhe lëkurës suaj.

? Disponimi: Shkencërisht është dëshmuar se njerëzit që dinë të gëzohen me imtësitë jetojnë më gjatë, janë më të shëndetshëm dhe mbesin më të rinj. Disponimi i mirë u kontribuon të ashtuquajturave hormone pozitive të cilat veprojnë për shëndetin e mirë, dhe është e njohur se në trupin e shëndetshëm është edhe mendja e shëndoshë. Mundemi lirisht të shtojmë se bashkë me këtë shkon edhe shpirti i ri! Pra, kënaquni sa të mundeni për të mirën e shëndetit tuaj.

? Mësimi: Njerëzit që janë të prirë për mësim konstant në fakt janë gjithmonë ?të rinj?. Këta njerëz në një mënyrë janë ende fëmijë dhe jetën e tyre e mbizotëron kurioziteti për mësimin e gjërave të reja. Këta njerëz, siç është dëshmuar, jetojnë më gjatë dhe janë më të lumtur. ?Uria? e vazhdueshme për dije i mban të rinj. Pra, në qoftë se dëshironi që ?ta ruani? rininë atëherë duhet t?i keni vazhdimisht librat në dorë dhe të mësoni, po ashtu ndihmë e madhe për marrje të dijeve të reja në ditët e sotit u ofron interneti i cili është një burim i pashtershëm.