web counter
LEXO PA REKLAMA!

SHKARKO APP

App Store
Google Play

Si ndikon dhuna ndaj fëmijëve në shëndetin e tyre në të ardhmen

5 Qershor 2015, 16:00, Lifestyle CNA

 

Një edukim i mirë për fëmijët është i rëndësishëm, por duhet shmangur dhuna fizike me shuplaka dhe ajo verbale me fjalë. Sipas një zbulimi të një grupi psikologësh në Universitetin e Plymouth në Mbretërinë e Bashkuar, dhuna në familje e vuajtur nga fëmijët rrit shanset për zhvillimin e disa sëmundjeve në moshë të rritur. Rezultatet e këtij kërkimi janë publikuar në Gazetën Behavioural Medicine (shuplakat dhe britmat tek fëmijët rrisin rrezikun për kancer, astma dhe sëmundje kardiake).

Studiuesit kanë zbuluar se dënimi i ashpër tek fëmijët rrit rrezikun për kancer, sëmundje të zemrës dhe astma kur ato të rriten. Studimi është rezultat i një analize të bërë në Arabinë Sudite, ku janë marrësi subjekte studimi rreth 700 persona që i përkasin moshës 40-60 vjeç, ku 250 ishin të shëndetshëm, 150 kishin probleme me astmën, 150 ishin diagnostikuar me kancer e 150 kishin zhvilluar sëmundje që lidhen me sistemin kardiovaskular.

Të gjithë pjesëmarrësit u intervistuan për pjesën e fëmijërisë së tyre. Arabia Sudite nuk ishte një zgjedhje rastësore, ekspertët tregojnë se përdorimi i dhunës fizike dhe verbale janë si metodë e pranueshme e arsimit. Michael Hyland autori i parë i hulumtimit shpjegon se duke analizuar të dhënat që morën nga intervistat e bëra rreth fëmijërisë nxorën konkluzionin që subjektet që kishin përjetuar dhunë fizike dhe verable ishin më të predispozuar për të zhvilluar kancer, për të pasur astma dhe sëmundje të zemrës. Rezultatet e vërejtura janë shumë të rëndësishme sepse për herë të parë është demonstruar që në vendet ku dhuna verbale dhe fizike janë të pranueshme nga shoqëria kemi shtim të stresit dhe predispozita më të mëdha për të shfaqur kancer, astma dhe sëmundje kardiovaskulare.





14:00 Lifestyle

Buzëqesh Hadid

 Gigi Hadid duket se e ka rikuperuar veten e saj pas ndarjes...

11:00 Lifestyle

Sims në të verdha

 Xhirimet e serialit Towie vazhdojnë, dhe ajo u fotografua n...

Lajmet e fundit nga