E fundit!

07:33 Ekonomi

Shqipëria, rekord në Europë për peshën e bar-kafeneve në ekonomi, e treta në raport me popullsinë

Në Shqipëri, bar-kafeneja është kthyer prej kohësh në një ...

Shteti Islamik merr pikëkalimin e fundit kufitar mes Sirisë e Irakut

22 Maj 2015, 07:21, Kosova & Bota CNA

Militantët e Shtetit Islamik kanë marrë në kontroll edhe pikëkalimin e fundit kufitar midis Sirisë dhe Irakut që nuk ishte në duart e tyre, thanë aktivistët. Sipas tyre, forcat qeveritare të Damaskut u tërhoqën nga pikëkalimi al-Tanf ndërsa militantët përparojnë. Observatori Sirian për të Drejtat e Njeriut konfirmoi lajmin, ndërsa humbja e këtij pikëkalimi pason marrjen nga militantët të qytetit antik të Palmirës.
Shtetet e Bashkuara thanë se luftimet më militantët do të jenë një sfidë e ëështirë. Shteti Islamik tashmë kontrollon më shumë se 95 mijë kilometra katrorë të Sirisë që është 50 për qind e gjithë territorit të vendit. Militantët dominojnë provincat Deir al-Zour dhe Raqqa e kanë një prani të fortë në Hasakeh, Aleppo, Homs dhe Hama.
Sidoqoftë, korrespondentët thonë se ka zona të gjera në kontrollin e Shtetit islamik në lindje që nuk janë shumë strategjike. Ndërsa në Irak, militantët kanë përparuar në mënyrë domethënëse, duke kapur qytetin strategjik të Ramadit në provincën Anbar pas disa javë luftimesh.
Korrespondentët thonë se militantët duke nxjerrë në pah një momentum të jashtëzakonshëm që kanë treguar në të kaluarën, nuk janë kënaqur të shijojnë fitoret e tyre të mëdha të ditëve të fudnit. Marrja në kontroll e al Atnf, në provincën siriane të Homsit, aftëson Shtetin islamik të lidhë pozicionet në lindje të Sirisë më drejtpërdrejtë me territorin që mban në provincën Anbar.
Tashmë militantët po shtyhen nga Ramadi drejt luginës së Eufratit ku forcat qeveritare po grupohen për një kundërsulm. Shtetet e Bashkuara janë shprehur të vetëdijshme se fitoret e militantëve janë një zmbrapsje për koalicionin që targeton Shtetin islamik, por presidenti Barack Obama këmbëngul se Shtetet e Baskuara nuk po e humbasin luftën me grupin.
Shtëpia e Bardhë thotë se problemi i Shtetit Islamik nuk do të zgjidhet brenda natës. Lufta me të do të jetë një sfidë e vërtetë që do të kërkojë grumbullim forcash në Siri, e në Irak.