web counter
LEXO PA REKLAMA!

SHKARKO APP

App Store
Google Play

OSHEE skemë të re për pagesat e detyrimeve të prapambetura të energjisë

17 Prill 2015, 15:54, Aktualitet CNA

Operatori i Shpërndarjes së Energjisë Elektrike ka publikuar sot një skemë për pagesat e prapambetura, pas mbylljes më 31 mars të skemës së parë. Sipas kësaj skeme të re abonentët kanë mundësi të përfitojnë nga falja e kamatëvonesës deri në 50%.

” Për të gjithë pjesën e konsumatorëve familjarë, të cilët nuk kanë paguar detyrimet ndaj shoqërisë në 31 dhjetor 2014 dhe që nuk janë futur në aktmarrëveshje të tjera ofrohen  të tjera ofrohen 4 produkte bazë, të cilët janë të ndërtuar bazuar në masën e detyrimit që këta konsumatorë kanë ndaj shoqërisë.

-Për abonentët që kanë detyrim deri në 100 mijë lekë të reja është ofruar mundësia e ripagesës me 6 këste të barabarta.

-Për abonentët që kanë detyrim deri në 300 mijë lekë të reja është ofruar mundësia e pagesës me 12 këste të barabarta.

-Për abonentët që kanë detyrime deri në 600 mijë lekë është ofruar mundësia me 24 këste të barabarta dhe për ata abonentë që kanë detyrime mbi 600 mijë lekë të reja do të paguajnë me 36 këste të barabarta vlerën e detyrimit.

Nëse familjarët paguajnë këto këste me afatet kohore më të shkurtra, atëherë kanë përfitimin e uljes së kamatëvonesës me 50%. OSHEE i bën thirrje qytetarëve të respektojë aktmarrëveshjet, e cila nënvizon që pagesa e kësteve dhe e faturës koherente duhet të realizohet brenda muajit në të cilët është e pagabueshme fatura korente.





Lajmet e fundit nga