8 arsye për të kuptuar se keni marrëdhënie të keqe me punën

10 Prill 2015, 16:38, Lifestyle CNA

Të jesh në një punë që e urren, është njësoj sikur të jesh në një marrëdhënie ku abuzohesh. Kjo ka të bejë më shumë me gjendjen mendore dhe me faktin, që puna zotëron jetën tuaj në kuptimin jo të mirë të fjalës. Kjo mund të vijë si rezultat i një shefi beqar, që është tiran, nga kolegët, ose kur kompania nuk respekton kushtet e punës. Si rezultat, ju ndiheni nën presion, të turpëruar, të mërzitur dhe, mbi të gjitha të zënë në kurth. Por, ashtu si marrëdhënia e keqe, edhe kjo situatë do një kohë të gjatë për të kuptuar, sesa shumë po humb. Ja disa arsye për të kuptuar se jeni në një marrëdhënie të keqe me punën.

1. Nuk keni miq jashtë punës/ Kolegët janë të vetmit, me të cilët ti shoqërohesh. Ndiheni fajtor kur nuk dilni për ndonjë gotë me ta, por kur analizoni me gjakftohtësi, kuptoni se ata nuk iu pëlqejnë dhe aq.
2. Kompania përdor paratë për t?iu pasur nën kontroll/ Ju vihet shpesh në dukje paga juaj, sidomos në rastet kur iu bëhet ndonjë kërkesë përtej mundësive, apo detyrës që ke. Por në fakt, kur krahasoni pagën tuaj me atë të kolegëve, kuptoni që juaja është më e ulët se e tyre.

3. Dëshironi të ndiheni i vlerësuar/ E dëshironi shumë të lavdëroheni për punën që bëni. Kur të lavdërojnë, ndihesh sikur ke prekur qiellin. Kur nuk ndodh, merrni gjithë fajin mbi vete dhe ndiheni përgjegjës, që shefi yt po vuan për fajin tënd.
4. Të jesh në zyrë me çdo kusht/ Pavarësisht faktit kur je i sëmurë apo i pamundur për të punuar, ti je gjithmonë në zyrë duke shkruar email-e apo duke iu përgjigjur telefonatave të shefit. Gjithçka vjen nga pasiguria.
5. Nuk dini kuptimin e fjalës ?mirë?/ Shefi juaj nuk iu thotë kurrë se çfarë do në të vërtetë, pasi duke iu mbajtur në një lloj errësire është më e volitshme për të. Kritikat e vazhdueshme janë një formë kontrolli dhe, kur ju bëni punë të mirë askush nuk iu thotë asgjë.

6. Të thonë shpesh, se je me fat për punën që ke/ Ju përmendet shpesh fakti se, kompania ku ti punon është më e mira në treg. Gjithashtu, iu thonë se mijëra njerëz do të bënin çmos të ishin në vendin tuaj të punës. Ose ju thonë se, në një vend tjetër s?do të kishit mundësi të punonit. Kjo është forma më e keqe e bullizmit.
7. Ndiheni i rënë në kurth/ Edhe pse e urreni punën tuaj, iu duket e vështirë për të gjetur diçka tjetër. Jeni të zënë në kurth financiarisht, sepse iu duhen paratë dhe nuk keni luksin për të qëndruar në shtëpi. Gjithashtu jeni edhe në kurthin, që mendoni se më mirë se kompania juaj s?mund të ketë.

8. Nuk i merrni të gjitha ditët e pushimit/ Nuk i konsumoni pushimet e plota, pasi ndiheni në faj se jeni larg zyrës. Kjo do të thotë se, edhe kur jeni me pushime, mendjen e keni te puna.