E fundit!

09:16 Kronika

Shpërthen tritoli në Lezhë

Një shpërthim me tritol ka ndodhur në Lezhë në orët e para...

A mban përgjegjësi penale APAAL për doktoraturat e Henri Çilit?

8 Prill 2015, 09:46, Aktualitet CNA

Zbulimi i një raporti sekret për universitetin e Henri Çilit, tashmë simboli i rilindjes së arsimit të lartë në Shqipëri, ka darovitur më në fund mjegullën dhe tymnajën mbi malin e skandalit me universitetet private në Shqipëri, në majën e të cilit vegjeton kupola e Ministrisë së Arsimit.

Një profesor i asociuar, në Universitetin Evropian të Tiranës, udhëheq 16 doktorantë, ndërkohë që një udhëzim i MAS parashikon që një profesor i asociuar nuk mund të udhëheqë më shumë se dy doktorantë. UET i Henri Çilit nuk ka preferuar të zbatojë udhëzimin e MAS, por të zbatojë raportin bari/dele, duke e kthyer universitetin në një lavatriçe parash. Konstatimi është bërë nga një grup kontrolli i Ministrisë së Arsimit në fund të vitit 2014. Por, konstatimi është thjeshtë perdja, ana e jashtme e një skandali shumëfytyrësh. Së pari, ky raport u mbajt i fshehtë nga Ministria e Arsimit dhe dy degët e saj, pasi cerga e Henri Çilit u lidh me fije të padukshme me qeverinë. Së dyti, në të njëjtën kohë, Ministria e Arsimit, aneksoi dhe përjashtoi UET nga aksioni i shkrirjes së piramidave arsimore.

Së treti, Ministria e Arsimit, bllokoi doktoraturat për universitetet shtetërore, duke i dhënë monopolin UET. Ndërkaq, vënia e kurorës i mbetet Agjencisë Publike të Akreditimit të Arsimit të Lartë. Disa muaj pas raportit për UET, kjo agjenci, ende pa u tretur gjeli i Vitit të Ri, pra në ditët e para të Janarit 2015, mblidhet në mënyrë urgjente, duket i miratuar Henri Çilit disa programe të reja të ciklitit të tretë të studimeve, doktoraturë. Gazeta SOT i kërkoi APAAL kopjen e vendimeve për Universitetin e Tiranës, kërkesë kjo që u përjetua dramatikisht nga institucioni që paguhet nga taksat e shqiptarëve për kontrollin e cilësisë së arsimit të lartë. Bëhet fjalë për disa vendime, të cilat duhet të publikohen në faqen zyrtare të institucionit, por APAAL i mban fshehur, pasi komandohet nga Henri Çili. Teksa pritej një përgjigje e përgjegjshme, në funksion të transparencës para qytetarëve dhe në zbatim të legjislacionit, Agjencia e Akreditimit zgjodhi fillimisht rrugën e kërcënimit.

Ndërsa Gazeta SOT këmbënguli në publikimin e vendimeve për Henri Çilin dhe bazën ligjore të tyre, APAAL vendosi të kërkojë shpëtim tek një formular. APAAL gjeti një alibi qesharake për të fshehur vendimet e paligjshme për UET, të cilat me siguri, në të ardhmen, do të jenë objekt i një hetimi penal. APAAL, në shkelje flagrante të Kushtetutës dhe ligjit për informimin, njoftoi që informcioni të kërkohej sipas një formulari. Ky formular është një mundësi për t?ju ardhur në ndihmë personave anonimë dhe nuk është parashikuar për subjekte juridike. Megjithatë, rendja e APAL për t?u fshehur pas shkresave, alibive, lojërave me fjalët dhe përdhosjes së ligjit, lidhet me të vërtetën e hidhur të raportit për Universitetin Europian të Tiranës. Mbetet për t?u parë nëse kryeprokurori Llalla do të nisë hetimet kryesisht për problematikën që ka ngritur gazeta SOT, apo edhe ai është pjesë e kësaj maskarade.

Gazeta Sot