E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

“Vanja, Sonnja, Masha e të tjerë” çojnë Shqipërinë për herë të parë në festivalin e Izmirit

7 Prill 2015, 06:22, Kulturë CNA

Teatri Kombëtar pjesëmarrës në Festivalin e 33 të Izmirit me shfaqjen teatrore ?Vanja, Sonja, Masha e të tjerë? është bërë pjesë e këtij eventi, i cili mbledh rreth tij prej më shumë se tre dekadash trupat teatrore më të njohura nga shtete të ndryshme të botës. Në këtë festival të përmasave ndërkombëtare erdhën në skena 56 shfaqje nga vende si Italia, Bullgaria, Rumania, Shqipëria, etj, ku nuk munguan dhe shfaqje nga Ankaraja, Stambolli, etj. Kjo është hera e parë që Teatri Kombëtar është pjesëmarrës në një event të tillë, ?Uluslararasi Izmir Tiyatro Festivali? me komedinë që ka njohur suksesin dhe në skenën shqiptare. Vepra teatrore, që mban emrin e dramaturgut amerikan Christopher Ferdinand Durang është sjellë në skenë me regji nga Driada Dervishi dhe në role janë aktorët Neritan Liçaj, Olta Daku, Yllka Mujo, Besmir Bitraku, Adelina Muça dhe Valina Muçolli.

Vepra me aktorët shqiptarë është shfaqur dy net në skenën e teatrit “Sabanci Kultur Merkezi” të Izmirit. Nga Teatri Kombëtar bëhet e ditur se kjo vepër emocionuese dhe satirike dhe aktorët e mrekullueshëm u mirëpritën nga publiku vendas, duartrokitjet e të cilëve nuk rreshtnin për minuta të tëra. Është hera e parë që kjo komedi merr pjesë në një festival jashtë Shqipërie, i cili nuk ka çmime, por mbledh rreth tij shfaqjet që janë të njohura për vlerësimet e tyre dhe në skenat ku janë shfaqur premiera apo dhe më gjerë. ??Vanja, Sonja e Masha e të tjerë?, komedia bashkëkohore që është shfaqur gjatë gjithë këtij sezoni teatror u bë pjesë e këtij eventi pasi u ftua nga Festivali Ndërkombëtar i Teatrit në Izmir. Izmiri qyteti i tretë turistik më i rëndësishëm në Turqi, ka një përqindje të lartë popullsie shqiptare. ?Vanja, Sonja, Masha e të tjerë? është një produksion i Fondacionit BluEpidamnus në bashkëpunim me Teatrin Kombëtar e teatrin ?A.Moisiu” dhe është e para shfaqje që merr pjesë në këtë festival, që këtë vit hyn në edicionin e tij të 33?, pohon regjisorja Dervishi mbi festivalin, që startoi më 27 mars dhe u zhvillua dhe në skena të tjera deri të dielën në mbrëmje.

Gazeta SOT