web counter
LEXO PA REKLAMA!

SHKARKO APP

App Store
Google Play

E fundit!

x

Vatikani nënshkruan për transparencë të Financave

2 Prill 2015, 16:45, Aktualitet CNA

Vatikani dhe Italia nënshkruan një marrëveshje për ndarjen e të dhënave financiare me anë të së cilës Selia e Shenjtë zotohet për bashkëpunim të plotë, transparencë dhe besueshmëri efektive në sekretin bankar. Vatikani prej kohësh është kritikuar nga organizatat financiare ndërkombëtare se është shndërruar në një parajsë fiskale për italianët me lidhje politike apo influence.
Në mënyrë të veçantë, banka e Vatikanit prej dekadash lejon shumë qytetarë italianë të kenë llogaritë e tyre bankare. Kjo praktikë, e cila është në shkelje të misionit të bankës për menazxhimin e parave të Kishës, ka ndihmuar individë të caktuar të shmangin taksat dhe të pastrojnë paratë kesh, thonë zyrtarë të zbatimit të ligjit në Itali.
Papa Francesku e ka bërë reformën financiare një platformë qendrore të papatit të tij në këto dy vjet, dhe banka që zyrtarisht njihet si Instituti për Punët e Besimit, po i nënshtrohet ndryshimeve. Korrikun e kaluar në bankë u bllokuan llogaritë e 2 mijë klientëve dhe iu dhanë fund marrëdhënieve klienteliste me 3 mijë persona.
Marrëveshja e njoftuar me anë të dy deklaratave nga Vatikani dhe ministria italiane e Ekonomisë, vjen pas disa muaj negociatash dhe do të mbulojë të dhëna nga viti 2009 e më pas.
Ministri i Jashtëm i Vatikanit monsinjor Paul Gallagher, duke shkruar në gazetën e Selisë së Shenjtë, e cilësoi marrëveshjen një hap domethënës të Vatikanit drejt qëllimit për transparencë maksimale në marrëdhëniet financiare.
(Reuters)





15:45 Aktualitet

Art në gurë

Artistët përdorin objekte të ndryshme për të shprehur frymëz...

Lajmet e fundit nga