web counter
LEXO PA REKLAMA!

SHKARKO APP

App Store
Google Play

Kerry qëndron në Lozanë, bisedime të tjera me Iranin

2 Prill 2015, 10:02, Aktualitet CNA

Bisedimet për programin bërthamor të Iranit do të vijojnë, edhe dy ditë pas përfundimit të afatit të 30 marsit për arritjen e një marrëveshjeje. Njoftimi vjen nga Shtetet e Bashkuara, ndërsa sekretari amerikan i Shtetit ka zgjatur qëndrimin e tij për të marrë pjesë në negociatat. Sidoqoftë, një numër pjesëmarrësish në tryezë janë larguar dhe Kina paralajmëroi se kompromisi është thelbësor në arritjen e një kornize.
Marrëveshja do të kufizonte programin bërthamor të Iranit në këmbim të lehtësimit të sanksioneve ekonomike, që i kanë shkaktuar dëme të mëdha vendit të izoluar.
Situata u duk e përsosur për një marrëveshje, thonë analistët, pas 12 vjetësh ngërçi në bisedimet bërthamore dhe retorike të ashpër mes Irani dhe Perëndimit, u duk se pakti ishte më afër se kurrë e palët mund të hynin në histori duke nënshkruar marrëveshjen. Por, kjo nuk ndodhi, të paktën në afatin e përcaktuar, megjithatë palët kërkojnë ende suksesin. ?Ne vijojmë të bëjmë progres por nuk kemi ende një mirëkuptim politik. prandaj, edhe sekretari Kerry do të qëndrojë në Lozanë për të vijuar negociatat?, tha një zëdhënëse e Shtëpisë së Bardhë.
Ministri i Jashtëm francez, Laurent Fabius është rikthyer gjithashtu në Lozanë, ndërsa më herët kishte thënë se do të kthehej në bisedime kur kjo të ishte e dobishme.
ka zëra në rritje që thonë se një marrëveshje me Iranin nuk mund të bëhet me çfarëdo çmimi dhe mund të jenë dakord edhe me ndërprerjen e bisedimeve. Por, kjo nuk ka ndikuar në vullnetin e palëve për të bërë edhe një përpjekje më shumë. Grupi 5 plus 1 kërkon të sigurohets e Irani nuk do të ketë mundësi të prodhojë armë bërthamore të paktën deri në një vit, në rast konflikti të shpallur. Iranianët thonë se nuk synojnë armët, por përdorimin e energjisë bërthamore për qëllime paqësore.





Lajmet e fundit nga