web counter
LEXO PA REKLAMA!

SHKARKO APP

App Store
Google Play

E fundit!

x

Siri/Presidenti Assad, shanse t'i mbijetojë luftës civile

10 Mars 2015, 14:29, Aktualitet CNA

Ndërsa Shtetet e Bashkuara dhe Irani negociojnë në fazën e fundit një marrëveshje për programin bërthamor, dy shtetet janë një oqean larg njëri-tjetrit në qëndrimet që mbajnë për të ardhmen e presidentit sirian,
Bashar al-Assad.

Assad duket se ka shumë gjasa t?i mbijetojë krizës siriane, më shumë sesa në çdo moment tjetër të kaluar në katër vjetët e luftës civile. Mbështetja e Iranit për të është më solide se kurrë, e aleati i Teheranit në Damask duket me më shumë vetëbesim se kurrë.

Ditët kur Assad nuk dilte në publik dhe dukjet e tij bënin lajm, kanë marrë fund. Në vizitat më të fundit, ai priti katër deputetë të parlamentit francez që sfiduan politikën e shtetit të tyre për të mos e takuar.

Lufta civile pa dyshim që e ka dobësuar Assad, mirëpo ai është më i fortë sesa grupet që luftojnë për ta rrëzuar. Shtete të fuqishme sërish dëshirojnë që ai të largohet, por ato po tregojnë gjithnjë e më pak vendosmëri sesa aleatët që e mbështesin presidentin.

Ndërsa kriza i afrohet përvjetorit të katërt, kërkesa që Assad të largohet nga pushteti dëgjohet gjithnjë e më pak nga kundërshtarët e tij në Perëndim. Vëmendja e tyre është zhvendosur në luftën ndaj Shtetit Islamik, një armik i përbashkët.

Reuters





Lajmet e fundit nga