Telefoni i përdorur 100 vjet më parë

Të bësh një thirrje telefonike nga një kontinent në një tjetër nuk është ndonjë akt për t?u mbajtur mend këto ditë. Por imagjinoni sikur jeni në vitin 1915. Atëherë as nuk mund ta mendoje që mund të merrje në telefon dikë që jeton në Amerikë, për shembull. Data 25 janar 2015 shënon 100 vjetorin e thirrjes së parë telefonike transkontinentale, e bërë nga shpikësi i mjeteve të komunikimit, Alexander Graham Bell, në Nju Jork, me asistentin e tij Thomas Watson, në San Francisko. Thirrja telefonike përfshiu edhe presidentin Woodrow Wilson, i cili ishte në Shtëpinë e Bardhë, dhe presidenti i AT&T, Theodore Vail, në Gjeorgji. Sipas transkriptimit që i është bërë telefonatës, fjalët e Bell ishin: ?Alo! Alo! Zoti Watson, jeni aty? Më dëgjon? dhe Watson ju përgjigj, ?Po, Zoti Bell, ju dëgjoj shumë mirë.? Telefonata zgjati rreth 3 orë e gjysmë, pasi ata e mbajtën linjën e hapur për disa thirrje telefonike. Dhe ndryshe nga sot, nuk kishte oferta të tilla që mund të flisje pa limit për një çmim fiks. Vetëm për 3 minuta bisedë në vitin 1915 duhet të paguaje rreth 20 dollarë, që përkthehen në gati 500 dollarë me dollarët e sotëm. U deshën më shumë se katër vjet për të krijuar infrastrukturën dhe më shumë se 5 milionë paundë për të ndërtuar linjën telefonike nga një kontinent në tjetrin. ?Të mendoje se mund të transmetoje zërin e një qenieje njerëzore në një largësi mbi 5471 km konsiderohej absolutisht e pamundur,? u shpreh presidenti aktual i AT&T në Kaliforni, Ken McNeely, i cili ka shkrepur një selfie me telefonin që është përdorur 100 vite më parë.

10:42 Tech

Gardianët e internetit

Kjo histori tingëllon si një roman fantastiko-shkencor. Por ...

10:39 Tech

Google, së shpejti do të shndërrohet në operator telefonik

Interneti i ka orët të numëruara. Janë fjalë të Eric Schmidt...