web counter
LEXO PA REKLAMA!

SHKARKO APP

App Store
Google Play

Përgjigja ndaj terrorizmit/ Mogherini:Projekte të përbashkëta me vendet muslimane

20 Janar 2015, 08:40, Aktualitet CNA

Shtetet europiane kanë rënë dakord të ndërmarrin projekte antiterror me kombet me shumicë muslimane dhe të përmirësojnë mësimin e gjuhës arabe, në përgjigje të sulmeve mbi Charlie hebdo në Francë.
Shefja për Politikë të Jashtme e BE-së bëri këtë njoftim pas bisedimeve të 28 ministrave të Jashtëm të bllokut në Bruksel, por nuk dha detaje. Zyrtarë të sigurisë do të caktohen në disa nga misionet e BE jashtë bllokut, dhe do të nxitet mësimi I arabishtes.
Takimi I Brukselit ishte I pari pas sulmeve terroriste në Paris, ku militant islamistë vranë 17 njerëz. Dy prej tyre kishin lidhje me grupime të Lindjes së Mesme dhe thanë se po hakmerreshin për karikaturat e profetit Muhamed në revistën satirike Charlie Hebdo.
Takimi I Brukselit vjen përpara një samiti të liderëve më 12 shkurt. Pas takimit, Mogherini tha se projektet në fjalë do të ndërmerren me Turqinë, Egjiptin, Jemenin, Algjerinë dhe shtetet e Gjirit Persik.
Bashkimi Europian do të përshkallëzojë ndarjen e të dhënave sekrete si Brenda bllokut ashtu edhe me vendet e prekura nga terrorizmi. Gjithashtu, do të rritet puna për të parandaluar financimin e rrjeteve terroriste.
Parlamenti Europian, tha ajo, do të punojë mbi disa ligje që mbulojnë ndarjen e të dhënave për pasagjerët e linjave ajrore.
Në lidhje me nismën gjuhësore, ajo tha se ?Unë dëshiroj që menjëherë ne të përmirësojmë komunikimin me popullsitë arabisht-folëse si Brenda BE-së ashtu edhe nëpër botë?.





Lajmet e fundit nga