E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Papa Francesku për ndalimin e kontraceptivëve:Kjo nuk do të thotë të shtoheni si lepujt

19 Janar 2015, 19:41, Aktualitet CNA

Katolikët nuk duhet të ndjehen se duhet të shtohen si lepujt për shkak të ndalesës së Kishës mbi kontraceptivët, tha papa Francesku në fund të turit të tij të gjatë gjashtëditor në Azi, duke sugjeruar përdorimin e metodave të aprovuara të kontrollit të lindjeve.
Francesku përdori një gjuhë të drejtpërdrejtë gjatë konferencës për shtyp, të mbajtur në avion gjatë udhëtimit nga Manila në Romë.
Bisedat dhe takimet e përzemërta janë bërë shenjë dalluese e stilit të thjeshtë të Papës.
Duke folur për korrupsionin, ai pohoi se në vendin e tij të lindjes në Argjentinë në vitin 1994, ai pothuajse kishte qëlluar me shkelma dy burokratë aty ku ?dielli nuk shkëlqen? pasi kishin dashur ta përfshinin në një skemë mashtrimi.
Papa gjithashtu paraqiti planet për të vizituar Republikën Qendrore Afrikane dhe Ugandën në fund të vitit si dhe për një udhëtim në Ekuador, Bolovi e Paraguaj.

Francesku foli gjatë për kontrollin e lindjeve dhe popullsinë, çështje që u ngritën gjatë vizitës në Filipine, e ku klerikët lokalë të kishës kundërshtojnë një ligj të Qeverisë që I bën kontraceptivët të gjenden lehtësisht.
?Ka nga ata që mendojnë, më falni nëse e përdor fjalën, se në mënyrë që të jemi katolikë të mirë, duhet të jemi si lepujt, por jo?, tha ai, duke shtuar se Kisha promovon prindërimin e përgjegjshëm.
Ai foli për një grua që kishte takuar së fundmi e cila kishte shtatë fëmijë me operacion cezarian dhe kishte rrezikuar jetën duke rënë sërish shtatzanë. Ai tha se e kishte ngacmuar atë për ?sfidim të Zotit?, por më pas shtoi ?Kjo ishte e papërgjegjshme?.
Lideri I 1.2 miliardë katolikëve të Kishës romane përsëriti mbështetjen për ndalesën e Kishës mbi praktikat e kontrollit artificial të lindjeve, duke shtuar se ?ka shumë mënyra që janë të lejuara? për të praktikuar planifikim natyral të familjes.
Kisha miraton vetëm metoda natyrale të kontrollit të lindjeve, kryesisht mungesën e marrëdhënieve seksuale gjatë periudhës fertile të gruas.
Në Sri Lanka dhe Filipine, Francesku dënoi atë që e cilësoi koloniliazim ideologjik, e që sulmon vlerat e familjes tradicionale në vendet në zhvillim.
Në avion, ai në mënyrë jot ë drejtpërdrejtë kritikoi vendet e pasura dhe organizatat ndërkombëtare që tha ai, përpiqen të influencojnë stilin e jetës dhe moralin e të rinjve në kombet më të varfra, duke krahasuar aktivitetin e tyre me progandën e shekullit të 20-të nga nazistët e fashistët.
Ai tregoi për një ministër Arsimi që e dinte se huatë që po I ofroheshin për të ndërtuar shkollat për të varfrit, kishin vetëm një kusht, atë që në bibliotekën e tyre të kishte një libër për teorinë e gjinive, ku vihet në dyshim rolet tradicionale të femrës dhe mashkullit. Papa nuk dha detaje për këtë rast.
?Ky është kolonializëm ideologjik. Ata kolonializojnë njerëzit me ide që përpiqen të ndryshojnë mentalitete dhe struktura?, tha ai.
?Por, kjo nuk është gjë e re. Eshtë bërë më parë nga diktatorët e shekullit të kaluar, duke cituar Rininë Hitleriane dhe Balilën, ekuivalenten italiane nën diktatorin fashist, Benito Mussolini.

Reuters