web counter
LEXO PA REKLAMA!

SHKARKO APP

App Store
Google Play

E fundit!

x

Gërmimet në Amfipolis/Shtohen misteret për varrin e lashtë grek

19 Janar 2015, 14:09, Aktualitet CNA

Shtohen misteret për varrin e lashtë grek të zbuluar vitin e kaluar në veri të Greqisë, në Amfipolis, ku gjatë gërmimeve, statujat e sendet me vlere që janë gjendur janë shoqëruar me spekulime se mund të bëhet fjalë për varrin e një të afërmi të Aleksandrit të Madh.

Zyrtarët grekë konfirmuan se kockat njerëzore të gjetura në varrin madhështor, u përkasin të paktën pesë individëve të ndryshëm, përfshi një grua të moshuar dhe një foshnje.

Gërmimet që kanë pasur vëmendje maksimale nga shtypi dhe publiku, nxorën në dritë një varr të madh, të vulosur, të dekoruar me statuja mermeri sfinksash dhe të grave të reja, sikundër edhe një dysheme të zbukuruar me një mozaik mbresëlënës.

Në një deklaratë të ministrisë së Kulturës greke, thuhet se kockat e gjetura në varr i përkasin një gruaje mbi të 60-at, një foshnjeje të sapolindur, dy burrave të moshës 35-45 vjeç dhe një të rrituri tjetër.

Varri daton midis viteve 325 përpara Krishtit-dy vjet përpara vdekjes së mbretit të famshëm luftëtar, Aleksandrit të Madh dhe vitit 300 përpara Krishtit. Ekspertët kanë spekuluar se varri mund të jetë ndërtuar për një general ose të afërm të Aleksandrit, i cili vetë është varrosur në Egjipt.





Lajmet e fundit nga