web counter
LEXO PA REKLAMA!

SHKARKO APP

App Store
Google Play

E fundit!

x

Ministrja e Mbrojtjes Mimi Kodheli takon ambasadorin e SHBA-së Donald Lu

16 Janar 2015, 12:52, Aktualitet CNA

Ministrja e Mbrojtjes Mimi Kodheli zhvilloi një takim me ambasadorin e Shteteve të Bashkuara të Amerikës në Tiranë z. Donald Lu, të cilit i uroi mirëseardhjen në Shqipëri.
Ministrja e Mbrojtjes znj. Mimi Kodheli shprehu vlerësimin e saj për marrëdhënien e shkëlqyer mes dy vendeve tona dhe e garantoi ambasadorin Lu për vullnetin e qeverisë shqiptare për t?i forcuar akoma më tej këto marrëdhënie.

Znj. Kodheli vlerësoi mbështetjen e SHBA për vendin tonë dhe për Forcat e Armatosura në kuadër të NATO dhe misioneve të përbashkëta në funksion të paqes dhe stabilitetit në botë. Shqipëria, tha ajo, do të vijojë të jetë përkrah aleatit të saj strategjik në luftën kundër terrorizmit dhe vendosjen e paqes dhe demokracisë.
Ministrja e Mbrojtjes e garantoi diplomatin amerikan se do të vazhdojë të ndjekë rrugën pozitive përballë sfidave të sigurisë. ?Ne po përmirësojmë, modernizojmë dhe po luftojmë korrupsionin?, theksoi ministrja Kodheli.

Ambasadori i Shteteve të Bashkuara të Amerikës në Shqiperi z. Lu u ndal tek marrëdhënia e mirë mes SHBA dhe Shqipërisë dhe tek miqësia mes dy popujve.
Zoti Lu nënvizoi se Shqipëria duhet të vazhdojë në të njëjtën rrugë për të arritur objektivat si vend anëtar i NATO dhe aleat i SHBA.





Lajmet e fundit nga