web counter
LEXO PA REKLAMA!

SHKARKO APP

App Store
Google Play

Pogradeci, destinacioni që magjeps vizitorët me bukuri natyrore dhe ushqim të shijshëm

2 Korrik 2024, 21:02, Trending CNA
Pogradeci, destinacioni që magjeps vizitorët me bukuri natyrore dhe
Pogradeci, burimi: Bashkia Pogradec

Pogradeci, një qytet turistik në Shqipërinë jug-lindore, është një nga destinacionet që ka “rrëmbyer” zemrat e turistëve.

Bukuria natyrore e qytetit, e cila përfshin ujërat e pastër të liqenit dhe Parkun Kombëtar Drilon, e bën atë tërheqës për vizitorët.

Plazhi i Pogradecit, një nga plazhet e rrallë me rërë në Shqipëri, është një nga atraksionet kryesore, veçanërisht gjatë verës. Ky plazh i veçantë është i vetmi i këtij lloji në Liqenin e Ohrit.

Pogradeci ka një traditë shumë të pasur folklori, me larmi kostumesh popullore dhe këngë e valle melodioze të frymëzuara nga bukuritë natyrore të zonës.

Pogradeci, destinacioni që magjeps vizitorët me bukuri natyrore dhe
Pogradeci, burimi: Bashkia Pogradec

Pogradeci ka nxjerë shumë piktorë dhe shkrimtarë të poezisë dhe prozës, si Lasgush Poradeci, liriku më i madh shqiptar, pa lënë pa përmendur edhe Mitrush Kutelin.

Elementë artistikë mund t’i gjesh edhe në arkitekturën e qytetit. Pogradeci me një traditë te pasur në artizanat përfaqësohet sot denjësisht nga artistët e gdhendjes në dru.

Pogradeci ka një muze të pasur me dëshmi antikiteti dhe të kohës së luftës, ka kishën e vjetër orthodokse, që quhet kisha e Shën Mërisë dhe ndodhet në lagjen e vjetër të qytetit, si dhe një kishë të re, me arkitekturë shumë të veçante të quajtur Ringjallja.

Pogradeci, destinacioni që magjeps vizitorët me bukuri natyrore dhe
Pogradeci, burimi: Bashkia Pogradec

Një tjetër tërheqje e Pogradecit është ushqimi lokal, veçanërisht peshku koran.

Një nga pjatat më të njohura është tartari i koranit, i cili përbëhet nga koran i papërpunuar, avokado, vaj ulliri, lëng portokalli, lëng limoni dhe mango.

Kjo pjatë unike përmban një përzierje të shijshme të peshkut të ftohtë me agrumet e freskëta dhe mangot e ëmbla, duke e bërë atë një nga përvojat kulinarike më të paharrueshme në Pogradec./ CNA





Lajmet e fundit nga