web counter
LEXO PA REKLAMA!

SHKARKO APP

App Store
Google Play

ZYRTARE/ Një tjetër lojtar njofton largimin nga Tirana

4 Janar 2026, 17:42, Sport CNA

ZYRTARE/ Një tjetër lojtar njofton largimin nga Tirana

Futbollisti Qëndrim Ismaili ka njoftuar largimin e tij nga skuadra e Tiranës përmes një komunikimi në rrjetet sociale.

Mesfushori 26-vjeçar u bë pjesë e klubit bardheblu në janar të vitit 2024, duke u transferuar nga ekipi i Gjilanit. Gjatë qëndrimit të tij në kryeqytet, ai regjistroi gjithsej 34 paraqitje zyrtare në të gjitha kompeticionet.

Ismaili u aktivizua për 2135 minuta në kampionat, si dhe mori minuta në Kupën e Shqipërisë dhe në ndeshjen e "Play Out"-it. Gjatë kësaj periudhe, lojtari arriti të shënonte tre gola me fanellën e Tiranës.

Përmes mesazhit të tij, ai shprehu mirënjohjen për mundësinë e dhënë dhe përvojën e fituar te klubi kryeqytetas. Tashmë, shqiptari nga Kosova është lojtar i lirë dhe do të kërkojë një angazhim të ri profesional. Aventura e tij me Tiranën u mbyll pas një periudhe prej një viti e gjysmë bashkëpunimi.

POSTIMI I ISMAILIT:

Faleminderit KF Tirana për gjithçka që më dhatë gjatë këtij një viti e gjysmë të paharrueshëm.

Për çdo stërvitje, çdo ndeshje, çdo sfidë dhe emocion të përjetuar me fanellën bardheblu. Ishte një përvojë e çmuar që më rriti si sportist dhe si njeri.

Mirënjohës për besimin, mbështetjen dhe profesionalizmin.

Tani mbetem në kërkim të objektivave dhe sfidave të reja.

KF Tirana do të mbetet gjithmonë pjesë e rrugëtimit tim.





Lajmet e fundit nga