web counter
LEXO PA REKLAMA!

SHKARKO APP

App Store
Google Play

Më i shtrenjti i Superiores, lojtari i Vllaznisë merr “fronin”

4 Janar 2026, 11:04, Sport CNA

Më i shtrenjti i Superiores, lojtari i Vllaznisë merr

Portali i specializuar “Transfermarkt” ka publikuar përditësimin e radhës të vlerave të futbollistëve në kampionate të ndryshme, përfshirë edhe Kategorinë Superiore. Ky përditësim ka sjellë ndryshime të rëndësishme në renditjen e lojtarëve më të kushtueshëm, duke vendosur një emër të ri në krye të listës.

Sherif Kallaku, mesfushori i Vllaznisë, kryeson aktualisht listën e futbollistëve me vlerën më të lartë në Superiore. Sipas vlerësimit të fundit, kartoni i tij vlerësohet 700 mijë euro, duke e bërë atë lojtarin më të shtrenjtë të kampionatit shqiptar në këtë moment.

Pas Kallakut renditen dy futbollistë të Egnatias, portieri Mario Dajsinani dhe mbrojtësi Arbenit Xhemajli. Të dy kanë përfituar rritje të vlerës në përditësimin e fundit dhe aktualisht vlerësohen nga 600 mijë euro secili.

Emrat e tyre janë përmendur edhe në kuadër të merkatos së janarit, pasi ekziston interes nga klube të huaja për një transferim të mundshëm jashtë.

Në vendin e katërt në listën e futbollistëve më të kushtueshëm të Superiores pozicionohet mbrojtësi i Flamurtarit, Luçiano Skuadrone, me një vlerë prej 500 mijë euro. Me të njëjtin vlerësim renditet edhe afrimi më i fundit në kampionat, mesfushori sllovak Patrik Mysloviç, i cili iu bashkua Tiranës vetëm pak ditë më parë.

Përditësimi i fundit i “Transfermarkt” reflekton kështu lëvizjet dhe performancat e lojtarëve gjatë periudhës së fundit, duke ndikuar drejtpërdrejt në hierarkinë e vlerave në elitën e futbollit shqiptar.





Lajmet e fundit nga