web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e boksierit shqiptar/ Autorët i bënë pritë jashtë restorantit

10 Mars 2024, 11:14, Sport CNA

Një ngjarje e rëndë ka ndodhur në Gjermani mbrëmjen e së shtunës. 

Boksieri shqiptar, Besar Nimani është vrarë sapo ka dalë nga një restorant në Bielefeld.

Lajmi u bë i ditur nga mediat gjermane, që raportojnë se boksieri kishte ndërruar jetë në vend. 

Sipas raportimeve të dëshmitarëve, një grup prej pesë deri në gjashtë burra ishin ulur së bashku. Më pas thuhet se të gjithë janë larguar së bashku nga restoranti. Pastaj papritmas pati të shtëna jashtë! Gjashtë deri në tetë të shtëna thuhet se janë qëlluar.

Policia konfirmoi të shtënat në qendër të qytetit, se kishte një viktimë 38-vjeçare me kombësi shqiptare dhe se autori ose autorët ishin në arrati.

Ngjarja ndodhi në zonën e Obernstrasse Klasingstrasse rreth orës 18:00, kur një ose më shumë autorë janë afruar dhe kanë qëlluar ish-boksierin shqiptar.

Në të kaluarën Nimani ishte plagosur pas një debati në qendër të qytetit Bielefeld në vitin 2013, 11 vite më parë. Në vitin 2016 ai u arrestua për dhunë në familje ndaj gruas së tij, por u la i lirë pas një kohe të shkurtër.

Nimani në karrierën e tij si boksier ka garuar në peshën e lehtë. Ka pasur 27 ndeshje, nga të cilat 26 fitore dhe një humbje.





Lajmet e fundit nga