web counter
LEXO PA REKLAMA!

SHKARKO APP

App Store
Google Play

Triumfi në derbin ndaj Partizanit, zbulohet premio te Tirana

26 Prill 2026, 16:28, Sport CNA

Triumfi në derbin ndaj Partizanit, zbulohet premio te Tirana

Presidenti i Tiranës, Refik Halili, nuk i kurseu lavdet për lojtarët e tij, pas fitores 2-1 në derbin ndaj Partizanit.

Gjatë vizitës në dhomat e zhveshjes, Halili u premtoi bardhebluve një premio të veçantë, duke vënë në dispozicion të gjithë shumën e mbledhur nga shitja e biletave të kësaj ndeshjeje, e cila pritet të variojë nga 40 deri në 50 mijë euro.

Përtej festës së fitores, kreu i klubit paralajmëroi ndryshime të rëndësishme për të ardhmen, duke u zotuar se merkatoja e verës do të sjellë përforcime cilësore.

“Jam shumë i gëzuar për të gjithë sakrificën që ju keni bërë. Nuk e dija për këtë energji, por s’ka gjë, avash avash. Për mua është gëzim dhe ju sot keni gëzuar të gjithë tifozët tanë. Nëse ne do të bëjmë një ndeshje tjetër, të tillë, si sot që ishte një nga ndeshjet tona më të bukura. Shpresoj që ne ta mbushim stadiumin herë tjetër plot. Pse e them këtë?!

Sepse unë shpresoj që ne, në sezonin e ardhshëm, do të bashkëpunojmë të gjithë bashkë. Kuptohet që do të ketë edhe blerje të tjera, që ne ta dominojmë kampionatin shqiptar dhe mos të vuajmë si këtë sezon. Ju falënderoj të gjithëve pamasë, ju uroj suksese. Përsa i përket premios, ne premion do ta bëjmë aq sa do të marrim xhiro nga stadiumi. Ndoshta 40, 50”, tha Refik Halili.





Lajmet e fundit nga