web counter
LEXO PA REKLAMA!

SHKARKO APP

App Store
Google Play

Pogradeci shtang Skënderbeun, kampioni vendoset në Korçë. “Luftë” për mbijetesën

25 Prill 2026, 16:56, Sport CNA

Pogradeci shtang Skënderbeun, kampioni vendoset në Korçë.

Gjashtë ndeshjet e javës së parafundit në Kategorinë e Parë, kanë prodhuar surpriza të mëdha.

Skënderbeu dhe Pogradeci barazuan 1-1 mes tyre, në një duel shumë të luftuar në stadiumin “Gjorgji Kyçuku”.

Korçarët kishin gjithçka në dorë, por e pësuan në minutat e fundit. Nasr zhbllokoi takimin në minutën e 26-të, rezultat me të cilin u mbyll pjesa e parë.

I njëjti lojtar kishte mundësinë të dyfishonte shifrat në minutën e 73-të, por gaboi nga penalltia. Gjujatja e egjiptianit u ndal nga portieri vendas.

Në minutën e 90-të, ishte Preknicaj, i cili barazoi shifrat, me një supergol. Me këtë barazim, shtyhet festa për kampionin në javën e fundit.

Skënderbeu mban vendin e parë me 77 pikë, 1 më shumë se Laçi i vendit të dytë, që mposhti Kukësin me përmbysje me rezultatin 2-1.

Kurbinasit ia dolën të triumfojnë me polemika, pas një penalltie të dyshimtë të akorduar në pjesën e dytë, e cila u shënua nga Tresa.

Ndeshja e fundit Skënderbeu-Laçi në Korçë do të vendosë ekipin kampion.

Edhe mbijetesa do të vendoset në javën e fundit. Luftëtari mori një fitore të madhe 2-1 ndaj Kastriotit me përmbysje, falë dy golave në fund.

Lushnja u mposht 1-0 nga Burreli dhe mbetet në fund me 26 pikë, ndërsa shihet më e rrezikuara për të rënë. Apolonia mban vendin e parafundit me 27 pikë, pasi u mposht 2-1 nga Iliria. Kukësi i vendit të 10-të, ndodhet në kuotën e 28 pikëve, 3 më pak se Luftëtari i vendit të nëntë.

Në duelin tjetër, Besa dhe Korabi barazuan 1-1.

Standings provided by Sofascore




Lajmet e fundit nga