web counter
LEXO PA REKLAMA!

SHKARKO APP

App Store
Google Play

“Luftë” për katërshen dhe mbijetesën, situata në Superiore

24 Prill 2026, 16:22, Sport CNA

“Luftë” për katërshen dhe mbijetesën, situata

Katër javë nga fundi i Superiores, gara mbetet plotësisht e hapur dhe me një nivel të lartë rivaliteti në të gjitha zonat e renditjes.

Vllaznia dhe Elbasani kanë siguruar tashmë dy vendet e para në “Final 4”, ndërsa dy biletat e mbetura vijojnë të mbeten objektiv për disa skuadra që janë në garë të ngushtë.

Në këtë fazë vendimtare, Egnatia, Dinamo dhe Partizani shfaqen si pretendentët më të afërt për të kompletuar katërshen finale. Megjithatë, diferencat e vogla në renditje dhe kalendari i mbetur bëjnë që çdo ndeshje të ketë peshë të veçantë.

Përveç sigurimit të kualifikimit, skuadrat synojnë edhe grumbullimin maksimal të pikëve, të cilat mbeten një faktor kyç për pozicionimin në fazën “Final 4”.

Paralelisht me garën për titull, po zhvillohet edhe një betejë për mbijetesën. Flamurtari mban aktualisht vendin e fundit, por diferenca minimale prej vetëm tre pikësh me Bylisin, Vorën dhe Tiranën e mban plotësisht të hapur këtë garë. Çdo rezultat në javët e mbetura mund të ndikojë drejtpërdrejt në fatin e skuadrave.

Me një balancë të tillë konkurruese, kampionati konfirmon një edicion të fortë dhe të luftuar, ku verdiktet pritet të përcaktohen vetëm në javët e fundit.

Standings provided by Sofascore




Lajmet e fundit nga