E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Humbje në tavolinë, gjoba dhe pezullime. Disiplina zbulon vendimet

22 Prill 2026, 18:34, Sport CNA

Komisioni i Disiplinës dhe Etikës i FSHF-së ka publikuar vendimet e fundit, duke mos kursyer gjobat dhe pezullimet për klubet e Superiores dhe Kategorive të Parë e të Dytë.

Sjellja e gabuar e spektatorëve ka qenë shkaku kryesor i ndëshkimeve, ku Egnatia dhe Laçi janë gjobitur me nga 100.000 lekë, përkatësisht për kore fyese dhe hedhje sendesh në fushë.

Edhe Teuta dhe Kukësi kanë marrë masa financiare për përdorim piroteknike dhe rrezikim të sigurisë së zyrtarëve.

Përveç klubeve, dora e hekurt e Disiplinës ka rënë edhe mbi lojtarët. Enti Gjishti i Naftëtarit është pezulluar me 4 ndeshje për sjellje josportive ndaj zyrtarëve, ndërsa Mounde Ekango (Butrinti) dhe Aleks Kazheli (Apolonia U-19) janë pezulluar me nga 3 ndeshje për dhunë në fushë.

Gjithashtu, janë regjistruar disa humbje në tavolinë (3-0) për ekipet zinxhir të Lushnjës, Albanet dhe Akademisë së Futbollit, për shkak të braktisjes së ndeshjeve ose aktivizimit të lojtarëve pa të drejtë loje.

VENDIMET E DISIPLINËS:

KF Egnatia, për sjellje të gabuar të spektatorëve, duke përdorur kore fyese në mënyrë të përsëritur, në bazë të neneve 17/2/e dhe 33 të KDE, dënohet me gjobë në masën 100.000 (njëqind mijë) lekë.

KF Teuta, për sjellje të gabuar të spektatorëve, duke ndezur flakadanë dhe mjete të tjera piroteknike, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë.

KF Laçi, për sjellje të gabuar të spektatorëve, duke hedhur sende në fushën e lojës duke rrezikuar sigurisë e zyrtarëve dhe lojtarëve të ekipit kundërshtar, në bazë të neneve 17/2/b dhe 17/2/h të KDE, dënohet me gjobë në masën 100.000 (njëqind mijë) lekë. Në bazë të nenit 76/1/a të KDE, gjoba të aplikohet në masën 50%.

FK Kukësi, për sjellje të gabuar të spektatorëve, duke hedhur sende në fushën e lojës duke rrezikuar sigurisë e zyrtarëve dhe lojtarëve të ekipit kundërshtar, në bazë të neneve 17/2/b dhe 17/2/h të KDE, dënohet me gjobë në masën 100.000 (njëqind mijë) lekë. Në bazë të nenit 76/1/a të KDE, gjoba të aplikohet në masën 50%.

KF Oriku, për sjellje të gabuar të spektatorëve, duke hedhur sende në fushën e lojës duke rrezikuar sigurisë e zyrtarëve dhe lojtarëve të ekipit kundërshtar, në bazë të neneve 17/2/b dhe 17/2/h të KDE, dënohet me gjobë në masën 100.000 (njëqind mijë) lekë. Në bazë të nenit 76/1/b të KDE, gjoba të aplikohet në masën 20%.

Lojtari i KF Butrinti, Mounde Ekango, për sjellje të dhunshme ndaj lojtarëve kundërshtar, në bazë të nenit 14/1/h të KDE, dënohet me 3 (tre) ndeshje pezullim nga veprimtaritë.

Lojtari i KF Naftëtari, Enti Gjishti, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.

Lojtari i FK Apolonia U-19, Aleks Kazheli, për sjellje të dhunshme ndaj lojtarëve kundërshtar, në bazë të nenit 14/1/h të KDE, dënohet me 3 (tre) ndeshje pezullim nga veprimtaritë.

FC Lushnja U-19, për braktisjen e ndeshjes së vlefshme të Kampionatit Kategoria e Parë U-19, kundër KF Shkodra U-19, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.

Lojtari i FC Lushnja U-17, Fabjan Qoraj, për sulm ndaj lojtarëve kundërshtar, në bazë të nenit 14/1/i të KDE, dënohet me 4 (katër) ndeshje pezullim nga veprimtaritë.

Lojtari i AF Triumph U-17, Etien Blaceri, për sulm ndaj lojtarëve kundërshtar, në bazë të nenit 14/1/i të KDE, dënohet me 4 (katër) ndeshje pezullim nga veprimtaritë.

Akademia e Futbollit U-15, për aktivizimin e një lojtari që nuk kishte të drejtë të luante në ndeshjen e vlefshme të Kampionatit Kombëtar të Kategorisë së Parë kundër FC Kinostudio U-15, në bazë të neneve 19/2 dhe 19/4/a të KDE, humbet ndeshjen në tavolinë me rezultatin 3-0.

FC Albanet U-16, për braktisjen e ndeshjes së vlefshme të Kampionatit Kategoria e Parë U-16, kundër Flamurtari FC U-16, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.

Rrëzimin e kërkesës së lojtarit të FC Besa, Godsëill Chinëendu, si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit.