web counter
LEXO PA REKLAMA!

SHKARKO APP

App Store
Google Play

Triumfi i Partizanit në derbi, Olsi Rama befason me deklaratën

6 Mars 2023, 22:16, Sport CNA

Drejtori i përgjithshëm i Partizanit, Olsi Rama, foli pas triumfit në derbi ndaj Tiranës me rezultatin 2-0, teksa u shpreh tepër i kënaqur për reagimin të “Demave” në këtë duel. Në prononcimin e tij, ndër të tjera Olsi Rama u shpreh:

“Janë ditë pune të zakonshme, me problematikat e përditshme, të njerëzve që mundohen të ngrejnë nivelin e Partizanit. Mbas humbjes me Vllazninë, kërkonim që lojtarët të shpreheshin me karakterin që kanë dhe e treguan në fushë.

Titulli është një objektiv i vogël, ne punojmë për të rritur nivelin e ekipit dhe të krijojmë një ekip që të fitojë në vazhdimësi. Në fund bëhen llogaritë. Në qoftë se vazhdojmë me këtë shpirt gare dhe këtë karakter në fund to t’i bëjmë llogaritë dhe do të dalim mirë.

I pranojmë komplimentet gjithmonë, nuk na bëjnë shpesh. Është më lehtë të përgatisësh një derbi se një ndeshje me ekipet e vogla provinciale. Lojtarët kanë motivimin e duhur, detyra jonë është t’i kujtojmë çdo të thotë të jesh profesionist çdo ditë dhe çdo natë.

Është një kampionat interesant, që çdo javë po bëhet edhe më interesant. Ekipet humbasin pikë me ekipe të thjeshta në lehta. Tirana është aty, është Egnatia, Vllaznia, mbasi e ka lënë pak “treni” Erzenin. Teuta po ngjitet. Janë ekipe që mund të vështirësojnë jetën çdo ndeshje.

Unë mundohem të jem më koherent, rezultati nuk është gjithmonë gjëja që më shumë më intereson. Dua të komplimentoj arbitrat, mbajtën një metër, u lejua lojë burrërore, nuk do të ketë kontestime nga palët. Është një sukses për arbitrat. Duhet të jenë të padukshëm dhe të vendosnin drejtësi. Edhe arbitrat kanë nevojë për besim dhe duhen ndihmuar”, u shpreh Olsi Rama.





Lajmet e fundit nga