web counter
LEXO PA REKLAMA!

SHKARKO APP

App Store
Google Play

Ten Hag “masakron” lojtarët e Junajtid në dhomat e zhveshjes pas disfatës

7 Mars 2023, 14:31, Sport CNA

Trajneri i Mançester Junajtidit, Erik ten Hag, i ka bërë një dush të ftohtë skuadrës në dhomën e zhveshjes së “Anfield Road” pas humbjes më të thellë në histori kundër Liverpulit të dielën.

Një burim i skuadrës tregoi për “The Sun”, se tekniku holandez nuk ishte parë më i zemëruar pas poshtërimit të skuadrës në shtëpinë e rivalëve të përjetshëm.

“Ten Hag ishte shumë i zemëruar. Pas ndeshjes shkoi direkt në tunel dhe sapo lojtarët mbërritën në dhomën e zhveshjes ai i masakroi ata. Ai i shpjegoi se ai mund ta pranojë humbjen, por mënyra sesi ata luajtën ishte joprofesionale. Nuk shpëtoi askush. Por Ten Hag i tha të gjithëve, duke përfshirë edhe veten, se ata duhet të nxirrnin mësime nga kjo humbje dhe duhet të bënin shumë më mirë”, tha një burim i klubit për tabloidin.

Një ditë pas humbjes më të rëndë të karrierës së tij, Ten Hag mbërriti në orën 7 në qendrën stërvitore “Carrington” dhe pasi priti lojtarët të vinin në orën 9:00, ai vijoi analizën me tone të ashpra.

Futbollistët e “Djajve” u panë të hynin të tensionuar në qendrën stërvitore.

“Mendoj se luajtëm një pjesë të parë të mirë. Vetëm një gabim në organizim përpara pjesës së parë. Në pjesën e dytë thjesht nuk ishim ne. Nuk ishte standardi ynë. Nuk luajtëm si skuadër. Ishte joprofesionale. Pa dyshim që jam i zemëruar. Jam i befasuar, sepse kam parë gjatë javëve dhe muajve të fundit se kjo skuadër di ta marrë veten shpejt dhe ka mentalitet fitues. Por në të dytën nuk e patëm aspak këtë mentalitet. Nuk i qëndruam planit dhe nuk bëmë punën tonë. Kemi treguar pas ndeshjeve kundër Brentfordit dhe Sitit që dimë të rikthehemi. Ky është një hap pas shumë i fortë dhe zhgënjyes dhe është i papranueshëm. Jam shumë i zhgënjyer dhe i zemëruar”, tha trajneri holandez pas ndeshjes.





Lajmet e fundit nga