web counter
LEXO PA REKLAMA!

SHKARKO APP

App Store
Google Play

Inzaghi drejt largimit, rikthehet supertrajneri tek Interi! Lajm i mirë për Asllanin

7 Mars 2023, 13:24, Sport CNA

Sezoni i dytë në Angli në drejtimin e Tottenham nuk po shkon sipas pritshmërive të trajnerit Antonio Conte. Italiani po vuan nën drejtimin e "Spurs"-ave, teksa mungesa e vazhdimësisë e detyron skuadrën nga Londra të luftojë vetëm për vendin e katërt.

Dhe, duke parë këtë situatë, duket se dëshira e trajnerit Antonio Conte është të mos e vijojë me aventurën në krye të Tottenham për sezonin e ardhshëm. Sipas mediave britanike, Conte dëshiron të rikthehet tek Interi, lmadje ka mbajtur takime me drejtuesit zikaltër. Ende nuk ka asgjë zyrtare, por fakt është se italiani ruan një marrëdhënie të shkëlqyer me drejtorin e zikaltërve, Beppe Marotta.

Nga ana tjetër, Simone Inzaghi është prej javësh në diskutim pasi zikaltrit në këtë sezon janë jashtë garës së titullit. Inzaghi ka një kontratë me Interin deri në vitin 2025, mirëpo rezultatet dhe ideja e rikthimit të Contes “joshin” së tepërmi Interin.

Ardhja e Conte-s mund të jetë një lajm shumë i mirë për Kristjan Asllanin, i cili në ndeshjet e fundit të Interit nuk është preferuar për asnjë minutë nga trajneri zikaltër.

Inzaghi njihet për mosbesimin që ka ndaj talenteve të reja dhe gjithmonë u jep prioritet lojtarëve bazë të ekipit, edhe kur këta të fundit nuk janë në formën e tyre optimale.





Lajmet e fundit nga