web counter
LEXO PA REKLAMA!

SHKARKO APP

App Store
Google Play

VIDEO/ Dybala "justifikohet" te tifozët bardhezinj për festën e tij me Romën

7 Mars 2023, 09:45, Sport CNA

VIDEO/ Dybala "justifikohet" te tifozët bardhezinj për

Humbja e Juves në fushën e Romës (1-0) është e vështirë të kalohet mes tifozëve torinezë. E mposhtur në "Stadio Olimpico", "Zonja e Vjetër" padyshim u ka thënë lamtumirë shpresave të saj të pakta për një "Top-4" në fund të sezonit (me përjashtim të një rikthimi të 15 pikëve të hequra). 

Nga ana romake, suksesi i rëndësishëm u festua ashtu siç duhej në bilbilin e fundit, veçanërisht nga një lojtar, si Paulo Dybala. Por gëzimi i argjentinasit nuk u ka pëlqyer aspak tifozëve bardhezinj, të cilët nuk kanë hezituar ta kritikojnë ish-lojtarin e tyre në rrjetet sociale. Duke qenë te Juvja midis 2015 dhe 2022, "La Joya" u akuzua për mungesë respekti ndaj klubit torinez.

Siç raportojnë mediat italiane, Dybala u është drejtuar fansave të Juves në llogarinë e tij në "Telegram". Kampioni argjentinas i botës u mbrojt, duke u siguruar se festonte me masë fitoren e ekipit të tij. I vlerësuar shumë nga José Mourinho, argjentinasi ka shënuar 12 gola në 25 paraqitje këtë sezon. I zëvendësuar në minutën e 73-të nga Tammy Abraham gjatë tronditjes, numri 10 i verdhekuqve nuk shënoi ndaj ish-partnereve të tij, një e keqe më e vogël për tifozët e Juventusit…

"E di që është e vështirë për ju, është e vështirë edhe për mua, por sot po luaj për një ekip tjetër dhe me shokë të tjerë të skuadrës, që duhet t'i respektoj. Fitorja nuk është kurrë e lehtë dhe ishte e rëndësishme për ne. Respekti im do të jetë gjithmonë aty, mos u gënjeni nga rrjetet sociale. Unë nuk brohorita askënd për golin. Thjesht festova një fitore me shokët e skuadrës! Përqafime për të gjithë ju! Ju dua të gjithëve."





Lajmet e fundit nga