web counter
LEXO PA REKLAMA!

SHKARKO APP

App Store
Google Play

“Plas” keq tek Inter-i, Lautaro përplaset me Calhanoglu-në. Reagon ashpër mesfushori

1 Korrik 2025, 13:58, Sport CNA

“Plas” keq tek Inter-i, Lautaro përplaset me

Situata tek Inter-i është tensionuar pas eliminimit nga Kupa e Botës për Klube, në fazën e 1/8-ave nga Fluminense.

Pas ndeshjes, kapiteni Lautaro Martinez kritikoi ashpër Hakan Calhanoglu-në, duke deklaruar se kush nuk dëshiron të qëndrojë, duhet të largohet. Reagimi i Lautaro-s lidhet me spekulimet për një transferim të mundshëm të Calhanoglu-së te Galatasaray.

Reagimi i mesfushorit turk ka qenë i menjëhershëm, ku ka thënë se nuk e ka tradhtuar kurrë Inter-in dhe se ka refuzuar oferta të rëndësishme në të kaluarën. Ai kërkoi që respekti të jetë reciprok dhe kujtoi se ka qëndruar gjithmonë pranë skuadrës.

“Unë respektoj çdo mendim, madje edhe atë të një shoku skuadre, madje edhe atë të presidentit. Por respekti nuk mund të jetë i njëanshëm. Këtë e kam treguar, brenda dhe jashtë fushës. Nuk e kam tradhtuar kurrë këtë fanellë. Nuk kam thënë kurrë se nuk isha i lumtur tek Inter-i. Në të kaluarën kam marrë oferta, madje edhe shumë të rëndësishme. Por zgjodha të qëndroj. Sepse e di se çfarë do të thotë kjo fanellë për mua. Mendova se zgjedhjet e mia flisnin vetë.

Pata nderin të isha kapiteni i ekipit tim kombëtar. Atje mësova se udhëheqësi i vërtetë është ai që qëndron pranë shokëve të tij të ekipit, jo ai që kërkon dikë për të fajësuar kur është më e lehtë ta bëjë këtë. E dua këtë klub. I dua këto ngjyra, për të cilat kam dhënë gjithçka çdo ditë. E ardhmja? Do ta shohim. Por historia do të kujtojë gjithmonë se kush qëndroi në këmbë. Jo kush e ngriti zërin më shumë”, ka shkruar Calhanoglu.

Situata mbetet e turbullt dhe e ardhmja e mesfushorit është e pasigurt. Klubi pritet të ndërhyjë për të qetësuar marrëdhëniet mes dy figurave kryesore të ekipit.





Lajmet e fundit nga