web counter
LEXO PA REKLAMA!

SHKARKO APP

App Store
Google Play

E fundit!

x

Një telash më shumë për Silvinjon, Berisha te “SuperPipo” ose mbetet pa luajtur

13 Janar 2023, 12:51, Sport CNA

E ardhmja e Etrit Berishës, përkundër asaj që mendohej, mund të jetë përsëri te Torino. Ky në fakt duket se është vendimi që ka marrë klubi i Serisë A, duk parë se mungojnë ofertat, por edhe alternativat cilësore për portierin shqiptar.

Prej dy muajsh, Berisha i ka kërkuar klubit që ta lërë të largohet drejt një skuadre tjetër, pasi kërkon të aktivizohet rregullisht. Klubi i Serisë A kishte pranuar në parim këtë kërkesë të kapitenit të përfaqësueses shqiptare, por mediat vendase bëjnë të ditur se tashmë ka ndryshuar mendje.

Kjo për shkak se nuk ka oferta në adresë të lojtarit, gjë që bën më të vështirë transferimin e tij dhe gjetjen e një zëvendësuesi në lartësinë e duhur. Mundësia e fundit raportohet se është Rexhina e Filipo Inzagit në Serinë B, por edhe në këtë rast flitet vetëm për interesim që nuk është konkretizuar me ndonjë ofertë.

Ndaj qëndrimi i Berishës deri në fund të sezonit te Torino, duket varianti më i mundshëm, edhe pse kjo do të thotë se portieri i përfaqësueses shqiptare do ta shohë rrallëherë fushën e lojës. Një problem ky për Kombëtaren shqiptare të futbollit duke llogaritur se ka ndeshje kualifikuese të Europianit 2024 në mars dhe qershor.





Lajmet e fundit nga