web counter
LEXO PA REKLAMA!

SHKARKO APP

App Store
Google Play

Luhet për kreun dhe mbijetesë, mësoni ndeshjet në Superiore

23 Janar 2026, 14:55, Sport CNA

Luhet për kreun dhe mbijetesë, mësoni ndeshjet në Superiore

Kategoria Superiore rikthehet në fundjavë me ndeshjet e javës së 21-të, duke sjellë sërish rivalitet, emocione dhe përballje të rëndësishme në të gjitha stadiumet.

Java do të hapet të shtunën me tri ndeshje. Në orën 13:30, Bylisi pret Egnatian në Ballsh, në një duel ku të dyja skuadrat kërkojnë rikthimin te fitorja.


Ndërkohë, në “Selman Stërmasi”, Tirana do të përballet me Flamurtarin, në një ndeshje ku bardheblutë synojnë të vazhdojnë momentin pozitiv të javëve të fundit, ndërsa Flamurtari kërkon vazhdimësinë pas suksesit të fundit në kampionat.

E shtuna do të kulmojë me supersfidën Vllaznia – Partizani në “Loro Boriçi” në orën 16:30. Të dyja skuadrat vijnë me moral të lartë dhe objektiva të qarta, duke e kthyer këtë duel në një nga përballjet më të pritura të javës.

Të dielën do të zhvillohen dy takimet e mbetura të javës së 21-të. Në stadiumin e Vorës, Teuta do të përballet me Vorën, ndërsa java do të mbyllet në “Elbasan Arena” me një tjetër ndeshje të fortë mes Elbasanit dhe Dinamo, dy skuadra që luftojnë për kreun e renditjes.

Java e 21-të e Superiores premton spektakël dhe rivalitet, duke konfirmuar edhe një herë nivelin konkurrues dhe emocionet që ofron kampionati në çdo ndeshje.

Kategoria Superiore, java 21

Bylis – Egnatia 24.01.2026 13:30

Tirana – Flamurtari 24.01.2026 13:30

Vllaznia – Partizani 24.01.2026 16:30

Teuta –Vora 25.01.2026 13:30

Elbasani – Dinamo 25.01.2026 16:30





Lajmet e fundit nga