E fundit!

16:32 Politikë

Rama takon sot banorët e Zvërnecit/ Zbardhen detaje

Kryeministri Edi Rama do të zhvillojë ditën e sotme një ta...

LIVE Partizani-Vllaznia/ Vjen nga stoli dhe i jep avantazhin të kuqve, zhbllokohet sfida (VIDEO)

13 Janar 2023, 17:11, Sport CNA

Në stadiumin “Partizani”, të kuqtë e kryeqytetit presin Vllazninë në supersfidën e javës së 16-të të Superiores.

Partizani kërkon tre pikët për të ruajtur i qetë kreun në renditje.

Nga ana tjetër, shkodranët duan të afrohen akoma dhe më shumë me “demat” në mënyrë që të qëndrojnë ende në garë për titullin.

LIVE PARTIZANI-VLLAZNIA 1-2
62′ Maget / 77′ Jonuzi, 90′ Çoba

KOMENTI LIVE:

90’ GOOOL VLLAZNIA! Shkodranët fitojnë topin pranë zonës kundërshtare dhe pas një aksioni në të majtën është Çoba i cili shënon golin e përmbysjes 2-1.

77’ GOOOL VLLAZNIA! Barazohen shifrat pas një aksioni të rrjedhshëm të kuqebluve që finalizohet me një gjuajtje të fortë të Jonuzit nga jashtë zonës.

62’ GOOOL PARTIZANI! Pas një harkimi nga e djathta, Maget me kokë mposht Zogoviç duke çuar sferën në rrjetë.

57’ Maget merr vendin e Hotit në radhët e Partizanit.

54’ Cara tenton supergolin nga distanca, sfera fluturon jo shumë lart mbi traversën e portës së Zogoviç.

51’ Goditje dënimi e Hotit nga distanca, topi përfundon jashtë katërkëndorit pa shqetësuar portierin e shkodranëve.

Straton pjesa e dyte.

45’+2’ Mbyllet pa gola pjesa e parë e ndeshjes.

42’ Minuta më të mirë për Partizanin këto të fundit, me të kuqtë që kanë arritur të zhvendosin lojën në gjysmëfushën shkodrane, por pa rrezikuar seriozisht portën e Zogoviç.

40’ Partizani provon me një gjuajtje të Rrapajt nga jashtë zonës, por tentativa është ballore dhe Zogoviç nuk e ka të vështirë të bllokojë sferën.

37’ Partizani mundohet të organizojë aksione por thuajse nuk shfaqet asnjëherë pranë zonës kundërshtare, ndërsa Vllaznia rrezikon me zbritjet nga krahët.

32’ Partizani luan për 3 minuta pa Bitrin i cili pësoi një dëmtim në hundë dhe u desh të merrte mjekim jashtë fushës, duke lënë për pak çaste skuadrën e tij me 10 lojtarë.

28’ Kundërsulm i shpejtë i Vllaznisë me Hoxhajn i cili në kufijtë e zonës tenton portën por nuk ka shënjestrën për të rrezikuar Rexhepin.

24’ Vllaznia i afrohet goli pas një goditje nga këndi. Topi i harkuar në zonë nga e majta devijohet me kokë nga Kaina, por Rexhepi devijon jashtë katërkëndorit.

15’ Shumë ndalesa loje deri tani, me skuadrat që kanë të vështirë të krijojnë aksione të gjata të rrjedhshme.

10’ Tjetër harkim i rrezikshëm në zonën e Partizanit ku Kaina gjuan me kokë, por shumë lehtë me Rexhepin i cili kontrollon.

7’ Aksion në krahun e majtë i shkodranëve, topi i harkuar në zonë ndalet nga Hadroj me dorë. Shkodranët kërkojnë 11-metërsh por Bajramaj sinjalizon për pozicion jashtë loje.

4’ Hoti tenton nga distanca, sfera ndalet në duart e Zogoviç.

1′ Nis me 6 minuta vonesë sfida për shkak të një rrjete që duhej rregulluar në një nga portat.

PARTIZANI: Rexhepi, Hadroj, Bitri, Sota, Buxhelaj, Telushi, Murataj, Rrapaj, Hoti, Cara, Mensah.

VLLAZNIA: Zogoviç, Gurishta, Shehi, Hakaj, Smajli, Jonuzi, H.Marku, Alivoda, Mala, A.Hoxhaj, Kaina.

GJYQTARË: K.Bajramaj, D.Myftari, G.Cenolli (Tiranë)

VAR: F.Lata (Durrës); AVAR: D.Maletaj (Tropojë)