E fundit!

16:18 Aktualitet

Video-Rreth 6 orë protesta para Kuvendit/ Qytetarët përleshen me forcat e policisë

Protesta qytetare e zhvilluar sot para godinës së Kuvendit...

Leao zbulon prapaskenat: Isha pranë transferimit te Interi

23 Shtator 2025, 17:30, Sport CNA

Rafael Leao, sulmuesi i Milanit, ishte i ftuar në podkastin “Say Less”, ku foli për rrugëtimin e tij në futboll. Ai tregoi se në fillim kishte një marrëveshje për të kaluar te Interi, por e refuzoi, pasi nuk ndihej gati dhe donte të përmirësohej më tej.

Pak javë më vonë, Milani shfaqi interes dhe pas një video-telefonate me Paolo Maldinin, Leao pranoi ofertën. Sipas tij, Milani e bindi për shkak të historisë së madhe, lojtarëve legjendarë dhe 7 trofeve të Champions League.

Portugezi rrëfeu se momenti i parë kur kuptoi madhështinë e Milanit ishte kur luajti ndeshjen e parë në “San Siro” përpara një stadiumi të mbushur plot.

“Isha gati të shkoja te Interi, çmenduri. Drejtori sportiv i Lille më tha: ‘Rafa, do të të shesim te Interi’, i thashë: ‘Jo, kam bërë shumë mirë këtë sezon (duke iu referuar sezonit me Lilën), dua të qëndroj edhe një sezon tjetër për t’u përmirësuar edhe më shumë dhe për të rritur besimin tim për sfidën tjetër’. Por ai tha jo, jo, duhet të të shes, është një mundësi e shkëlqyer për ty, për ne, janë shumë para. Por unë i thashë jo Interit. Kaluan një javë, dy, tre javë dhe drejtori sportiv u kthye tek unë dhe tha: ‘Milani është i interesuar për ty’. Unë i thashë: ‘Po, Milani është, nëse vijnë me një ofertë, do ta pranoj’. Pas dy ditësh ai u kthye dhe tha: ‘Ata kanë sjellë ofertën, dikush dëshiron të flasë me ty’, më lidhi me Paolo Maldinin, jo një telefonatë normale, por një video-thirrje. Maldini tha: ‘Duhet të vish, ne jemi gati të të marrim’. E pranova, u përgjigja, nuk mund të thoja jo.

Kur Maldini më telefonoi, isha në hotel sepse ai ishte në stërvitje parasezonale në Portugali. Shkova në Milano me familjen time dhe qëndrova në hotel për një muaj. E kuptova sa i madh është ky klub kur luajta ndeshjen time të parë në shtëpi. Ishte e pabesueshme, stadiumi ishte plot; mendova se ishte vërtet e pabesueshme. Edhe kur fituam Scudetton. Është diçka që një lojtar duhet ta përjetojë, për të kuptuar sa e rëndësishme është të luash për Milanin.”, u shpreh Leao.