E fundit!

12:24 Aktualitet

Sërish tensione përpara Parlamentit/ Goditen me vezë makinat e deputetëve

Pas përfundimit të seancës plenare ka pasur sërish tension...

"Futbolli më shkatërroi jetën", rrëfimi i trajnerit Spalletti

25 Korrik 2025, 18:58, Sport CNA

"Futbolli më shkatërroi jetën", rrëfimi i

Luciano Spalletti ka folur gjerësisht për marrëdhënien e tij me futbollin dhe përvojën e fundit në krye të kombëtares italiane. Trajneri analizoi jo vetëm aspektet teknike dhe organizative të periudhës së tij me Italinë, por edhe ndikimin personal dhe emocional që ka pasur kjo eksperiencë në jetën e tij.

Spalletti pranoi se pasioni i tij për futbollin ka kaluar në një nivel që ka sjellë pasoja personale. “Futbolli më shkatërroi jetën. E desha më shumë se vetveten. Sakrifikova njerëzit që i doja më shumë për shkak të tij”, deklaroi ai.

Sipas Spallettit, kjo dashuri e pakushtëzuar u kthye në një formë toksiciteti, që në kohë e gjatë ndikoi negativisht në jetën jashtë fushës së lojës.

Largimi i tij nga drejtimi i kombëtares italiane ka lënë një shenjë të hidhur. “Nuk largohet kurrë. Më privon nga gjumi, më përcakton në çdo gjë, sepse mendja ime është gjithmonë aty. Ndonjëherë ndihem sikur jam i lumtur, por pastaj më kthehet në mendje gjithçka”, u shpreh Spalletti duke iu referuar vendimit të Federatës për ta shkarkuar nga detyra. A

Pavarësisht kësaj, ish-trajneri i Napolit nuk shprehu keqardhje për pranimin e detyrës së rëndësishme në pankinën e “Azzurrëve”. “Jo, nuk pendohem. Sepse kombëtarja nuk të kërkon, kombëtarja të thërret. Nuk është zgjedhje që e bën me logjikë. Kur të thërret kombëtarja, duhet të mbushesh me frymë dhe të jesh i gatshëm.

Gabimi im ishte në fillim, kur i shtyva shumë në pjesën e përkatësisë, të identitetit. U kërkova të këndonin himnin, të bënin një rreth para çdo stërvitjeje. Doja të zgjoja krenarinë që ndjeja unë, por ndoshta ishte e tepërt për ta.”

U thashë edhe lojtarëve, të mos mashtrohen nga ata që u thonë se nuk janë të mirë, pasi janë në nivel të lartë. Pas eliminimit nga Europiani, besova se kishim gjetur rrugën tonë. Por, siç ndodh në fshat, kur hap një kanal për ujin, ndonjëherë ai merr drejtimin e vet. Dhe nëse vazhdon të gërmosh, krijon një humnerë. Plaga dhemb, edhe pse është në fazën e shërimit", deklaroi Spalletti .

Tekniku 66-vjeçar u shkarkua nga drejtimi i Italisë muajin e kaluar, pas humbjes 3-0 ndaj Norvegjisë në kualifikuese.