web counter
LEXO PA REKLAMA!

SHKARKO APP

App Store
Google Play

Flamurtari prek fundin, Dinamo fiton mes dy kartonëve të kuq

4 Tetor 2025, 17:30, Sport CNA

Flamurtari prek fundin, Dinamo fiton mes dy kartonëve të kuq

Dinamo triumfoi 2-0 ndaj Flamurtarit, në ndeshjen e vlefshme për javën e gjashtë në Superiore.

Suksesi i dytë radhazi për kryeqytetasit, që zhysin në krizë totale vlonjatët. Sfida nisi e qetë dhe me raste të pakta nga të dyja ekipet. Trashi dha shkëndijën e parë për kuqezinjtë, por tentativa e tij u largua nga portieri Teqja.

Gjithçka u bë më vështirë për Flamurtarin në minutën e 31-të, kur Veiga i sapofutur në fushë, u ndëshkua me karton të kuq, pas faullit ndaj Guindo, si lojtari i fundit.

Dinamo përfitoi nga superioriteti numerik dhe u hodh në sulm, në kërkim të avantazhit. Pas disa tentativave të dështuara, goli erdhi në fundin e pjesës së parë.

Guindo shfrytëzoi një krosim të marrë në zonë nga Lorran dhe me kokë e ndali topin në fundin e rrjetës.

Fraksioni i dytë, nisi me Dinamon në sulm, në kërkim të golit të qetësisë. Tentativa e Qefalisë nuk kishte saktësinë e duhur, ndërsa Bregu u ndal nga tranversa në minutën e 65-të.

Goli i dytë ishte vetëm çështje minutash dhe nuk vonoi. Në minutën e 74-t, Nani nuk fali në zonë, ku pas një topi të marrë, ia doli të konkretizojë aksionin.

Ndeshja u mbyll me numër të barabartë lojtarësh. Shkak për këtë u bë kartoni i kuq për Farrukun, i cili pak minuta pasi u fut nga stoli, goditi ashpër portierin kundërshtar dhe la ekipin e tij me 10 lojtarë.

Ky sukses e ngjit Dinamon në vendin e dytë me 10 pikë, ndërsa Flamurtari renditet i fundit me vetëm dy pikë të grumbulluara.





Lajmet e fundit nga