web counter
LEXO PA REKLAMA!

SHKARKO APP

App Store
Google Play

E fundit!

x

Fitorja në derbi, Demi: Do të isha gëzuar me barazim, Partizani i mbaruar nëse nuk shkon në Europë

16 Shkurt 2026, 15:46, Sport CNA

Fitorja në derbi, Demi: Do të isha gëzuar me barazim, Partizani i

Presidenti i Partizanit, Gazmend Demi, u shfaq i lumtur për fitoren 2-0 në derbin ndaj Tiranës. Megjithatë, në prononcimin pas ndeshjes, ai theksoi se do të ishte i gëzuar edhe me barazimin.

Për “Rubrika Sportive”, Demi deklaroi se Partizani është i mbaruar nëse nuk arrin të kualifikohet në Europë.

“Loja e pjesës së parë ishte shumë e mirë. Pjesa e dytë, që të jemi korrekt, duhet të kishim dalë barazim. Dy shtyllat e Tiranës, ishim fati i Partizanit.

Nuk ka kampionat pa derbi, çfarë do që të ndodhë, do isha më i gëzuar të dilnim barazim. Fitoi Partizani, jam edhe më shumë i gëzuar. Afrimet e reja janë teorike, ia kam lënë në dorë Agim Ibrahimit, trajnerin e kam vendosur vetë.

Është djalë i mirë dhe po ecën mirë. Që të themi afrimet e reja, sepse ne s’po na vijnë akoma të vjetrat. Siç më thonë stafet që Partizani do eci më mirë. Të mos flasim më shumë, themi të shpresojmë që ne të shkojmë në katërshe dhe të luftojmë për Kupën.

Partizani po nuk doli në Europë këtë vit është i mbaruar, jemi me koeficientin më të madh në Europë, 7.5.

Unë si president ia kam plotësuar çdo dëshirë si trajnerit, si drejtorit sportiv, i kam thënë do flasim në qershor bashkë. Para disa minutash më mori në telefon drejtori sportiv dhe më kërkoi diçka, i thashë mos më thuaj mua fare, t’i vendos dhe unë e bëj. Në qoftë se nuk dalim në Europë të dy janë të dështuar”, deklaroi Gaz Demi.





Lajmet e fundit nga